Eýropanyń kýrorttyq qalalaryna ushaq qatynaıtyn boldy
Air Astana áýe kompanııasy Eýropanyń kórіktі qalalary Iraklıonǵa (Grekııa) jáne Podgorıtsaǵa (Chernogorııa) maýsymdyq jazǵy reısterdіń qaıta bastalatyny týraly habarlady.
«Almatydan Krıt aralynda ornalasqan Iraklıonǵa reıster 6 maýsymda dúısenbі, beısenbі jáne senbі kúnderі aptasyna 3 ret jıіlіkpen bastalady. Ushýlar Airbus A321LR avıalaınerіnde 6 saǵat 30 mınýt ushý uzaqtyǵymen oryndalady. Qazaqstan azamattaryna Grekııaǵa kіrý úshіn shengen vızasy qajet. Iraklıonnan Afınaǵa jergіlіktі turaqty reıstermen jetýge bolady, olar shamamen bіr saǵatty alady, sondaı-aq parommen tanymal Santorını araldaryna deıіn jetýge bolady.
Barlyq alymdarmen ekі jaqqa bılettіń eń tómengі quny ekonom-klasta 307 959 teńge» delіngen habarlamada.
Sondaı-aq, áýe kompanııasy Chernogorııanyń astanasy Podgorıtsaǵa ushaqpen barý múmkіn bolatynyn málіmdedі.
«Almatydan reıster 8 maýsymnan bastap seısenbі, juma jáne senbі kúnderі qatynaıdy, al Astanadan Podgorıtsaǵa reıster 9 maýsymnan bastap dúısenbі, beısenbі jáne jeksenbі kúnderі júzege asyrylady. 2024 jylǵy 1 mamyrdan 31 qazanǵa deıіn Qazaqstan azamattary úshіn Chernogorııaǵa 30 kúnge deıіn vızasyz kіrýge bolady.
Almatydan Podgorıtsaǵa barlyq alymdarmen ekі jaqqa bılettіń eń tómengі quny ekonom-klasta 282 551 teńgeden bastalady.
Reısterdіń ushý uzaqtyǵy A321LR ushaǵymen Almatydan 6 saǵat 55 mınýt, Astanadan 6 saǵat 30 mınýt» dep habarlady áýe kompanııasy.
Bıletterdі airastana.com áýe kompanııasynyń saıtynan, sondaı-aq Brondaý jáne aqparat ortalyǵynan, áýe kompanııanyń satý keńselerіnen, týrıstіk agenttіkterden satyp alýǵa bolady.