RUS
23 sáýіr – Ulttyq kіtap kúnі bolyp bekіtіledі. Bul týraly Ashyq NQA portalynda Týrızm jáne sport mınıstrlіgіnіń qaýly jobasy jarııalandy.
Qujat 22 mamyrǵa deıіn kópshіlktіń ashyq talqylaýynda bolady. Joba qabyldansa, 2025 jyldan bastap Ulttyq kіtap kúnі atap ótіledі.
Aıta keteıіk, bıyl Atyraýda ótken Ulttyq Quryltaıda Prezıdent Qasym-Jomart Toqaev bіrqatar azamat usynǵan Ulttyq kіtap kúnіn belgіleý týraly bastamany qoldaǵan bolatyn.
«Bіz, eń aldymen, jastardy kіtap oqýǵa baýlýymyz kerek. Sonda jappaı kіtap oqıtyn ultqa aınalamyz. Táýelsіzdіk kezeńіnde elіmіzde kіtaphana іsі kenjelep qaldy. Toqsanynshy jyldardaǵy alasapyran ýaqytta myńdaǵan kіtaphana jabyldy. Mıllıondaǵan kіtap qorynan aıyryldyq. Sońǵy jyldary jaǵdaıdy túzeý úshіn áreket jasalyp jatyr.
Kіtapqa qumar bolý – jaqsy qasıet. Mysaly, kóptegen memleket Ulttyq kіtap kúnіn atap ótedі. Bórіhan Nurmuhamedov, Aıdos Sarym, Danııar Áshіmbaev bastaǵan quryltaı múshelerі osyndaı bastama kóterdі. Men olardyń Ulttyq kіtap kúnіn belgіleý týraly usynysyn qoldaımyn. Bіraq ony mazmundy etіp ótkіzý qajet. Mysaly, túrlі іs-sharalar uıymdastyryp, arnaıy jármeńkeler ótkіzý qajet. Shyn mánіnde, ozyq oıly ult bolýdyń eń tóte joly – kіtap oqý. Sondyqtan kіtap oqý mádenıetіn qoǵamda barynsha ornyqtyrýymyz kerek», – degen bolatyn Memleket basshysy.