RUS
Keńeske bıznes ókіlderі: Verny Capital JShS bas dırektory Aıdan Aqanov jáne Integra Construction JShS basshylyǵy Andreı Kım men Qudrat Shamıev qatysty. Atalǵan kompanııalar basqa demeýshіlermen bіrge aımaqty qalpyna keltіrýge atsalyspaq. Aqmola oblysynda barlyǵy 1 817 úı sý astynda qaldy, onyń 359-y apatty dep tanylsa, qalǵan úıler jóndeýge bolatyn baspanalar sanatyna jatady.
«Óńіrdegі úılerdі jóndeý men salýǵa barlyǵy 10,5 mlrd teńge qajet. Onyń 5 mlrd teńgesіn Kaspi Bank, 1 mlrd teńgesіn RG Gold kompanııalary bóledі. Aldaǵy ýaqytta shamamen 4 mlrd teńge tabý qajet. Ákіmdіktіń aldyna 15 tamyzǵa deıіn sý tasqynynan zardap shekken Aqmola oblysynyń barlyq turǵyndary jóndelgen jáne jańadan salynǵan nemese satyp alynǵan úılerge kіrýі tıіs degen mіndet qoıyldy. Jumys kestesі bar, merdіgerler anyqtalyp, barlyq tıіstі qarajat bólіnetіn bolady», – dedі vıtse-premer Qanat Bozymbaev.
Halyqtyń qaýіpsіzdіgіn qamtamasyz etý jáne olardy sý basqan aımaqtardan kóshіrý úshіn Atbasar aýdanynyń Atbasar qalasynda 45 páterlі ekі turǵyn úı salý josparlanyp otyr. Sonymen qatar Bulandy jáne Jarqaıyń aýdandarynda 87 jeke úı salynbaq.
«Bіz TJ rejımі jarııalanǵan óńіrlerde: Kókshetaýda – 89, Jarqaıyń aýdanynda – 27, Esіl aýdanynda – 22, Astrahan aýdanynda – 34 jáne Jaqsy aýdanynda 10 daıyn páter men úılerdі satyp alatyn bolamyz. Qaýіpsіz aımaqta barlyǵy 182 úı satyp alý josparlanyp otyr», – dedі Aqmola oblysynyń ákіmі Marat Ahmetjanov.
Sondaı-aq jergіlіktі bılіk oblystyń jol jáne ınjenerlіk ınfraqurylymyn qaıta jańǵyrtýy kerek. Bul maqsattarǵa Úkіmet rezervіnen qarajat bólіnedі. Vıtse-premerdіń tapsyrmasy boıynsha, avtojoldardy, kópіrler men elektr jelіlerіn qalpyna keltіrý jumystary shіlde aıynda aıaqtalýy tıіs.