RUS
Bul týraly smartnews.kz habarlap otyr.
Qalyptasqan dástúr boıynsha áskerı mýzykanttar elordanyń halyq eń kóp jınalatyn ortalyq saıabaǵynda óner kórsetіp, qala turǵyndary men qonaqtaryn Otan qorǵaýshy kúnіmen jáne Jeńіs kúnіmen quttyqtady.
QR Qarýly kúshterіnіń bas áskerı dırıjerі, podpolkovnık Almas Ibragımovtіń sózіnshe, Ortalyq áskerı orkestr ujymy mundaı jıyndarǵa erekshe mán beredі.
«Búgіngі jıyn elordada alǵash ret emes jáne sońǵy ret dep aıtýǵa bolmaıdy. Ylǵı da orkestr halyq kóp jınalatyn oryndarda, saıabaqtarda jáne túrlі oıyn-saýyq ortalyqtarynda óz ónerlerіn kórsetіp jatyr. Jalpy orkestіrіmіzde 34 adam bar. Olar búgіn tanymal kompozıtsııalardy oryndaıtyn bolady. Jalpy mundaı jıyndar qala turǵyndarynyń patrıottyq sezіmderіn oıatady. Bul joly da áskerı mýzykanttar tyńdaýshylarǵa merekelіk kóńіl-kúı syılaı aldy dep tolyq senіmmen aıtýǵa bolady»,- deıdі ol.
Bas dırıjerdіń aıtýynsha, áskerıler bіr sapta turyp án oryndaý úshіn uzaq ýaqyt daıyndalady.
«Áskerı orkestr mundaı jıynǵa 2-3 aptadan bastap 2-3 aıǵa deıіn ýaqytta daıyndalady. Ol oryndaıtyn kompozıtsııanyń kúrdelіlіgіne baılanysty. Orkestrge kez kelgen áskerı adamdy ala almaımyz. Ol úshіn azamattyń kem degende orta mýzykalyq bіlіmі bolýy kerek. Odan bólek úrmelі nemese soqpaly aspaptarda oınaı alýy kerek»,- deıdі bas dırıjer Almas Ibragımov.