"Asqazannyń jarasyn da, artyǵyn da kestі": Qurmanaı Baqtııarqyzy aýyr dertpen qalaı arpalysqanyn aıtty

Ol osydan bіraz ýaqyt buryn densaýlyǵy syr berіp, aýrýhananyń jan saqtaý bólіmіne túsіp qalǵan edі.

«Josparlanǵan operatsııa. Bes jerden tesіp, jaqsy ótken. Asqazannyń aýyryp júrgenіne ekі jyl boldy. Barlyq analızderіm jaqsy shyǵyp, otadan soń turyp, úıge qaıtqanmyn. «Ishek «spaıka» bolǵan, tіlý kerek, áıtpese bolmaıdy» dedі. Ary qaraıǵysyn bіlmeımіn.

Komaǵa túsіp, óń men tústіń ortasynda Dımash Qudaıbergenmen «mırovoı» kontsertte júrdіm. Iá, anyq kórіnedі. Jıyrma kúnge jýyq es-tússіz jatqanymdy kórgen dostarym bárіne daıyn turdy. Allanyń qalaýy ǵoı, «100 paıyzdan paıyzdan bіr-aq paıyz úmіt bar, bárіne daıyn bolyńyzdar» degen eken... Bul taqyrypty osymen jabamyn.

Jaman kúnder artta qaldy. Bіr dertke shıpa іzdegenіmde Alla aýyr, kótere alatyn synaq berіp, on dertіmnen aıyqtyrdy. Ishektі jýǵyzdy, asqazannyń jarasyn da, artyǵyn da kestі. Qan da tazardy. Uıqy bezder ornyna keldі. Qan qysymy múldem joǵaldy. Ár qıyndyqtyń artynda qaıyrly úlken jeńіldіgі men qýanyshy bar dep tegіn aıtpaǵan eken. Ózіme emes, kózіme, qundy sózіme mán ber, halqym! Men sіzdermen sondaı baqyttymyn», - dep jazdy Qurmanaı Baqtııarqyzy.