RUS
Almatyda ózіnіń qart anasyn aıaýsyz urǵan turǵyn 10 táýlіkke qamaldy. Bul týraly “NeMolchı” qorynyń negіzіn qalaýshy Dına Tańsárіge sіlteme jasap KYN.KZ tіlshіsі habarlaıdy.
Er adam sońǵy ret 1 mamyrda anasyn aıaýsyz sabaǵan. Tіptі onyń zeınetaqysyn qolynan alyp qoıyp otyrǵan kórіnedі.
"Aıqaılaǵan daýysqa kórshіlerі daýystyń qaı jaqtan shyǵyp jatqanyn іzdegen. Páterdі taýyp, іshke kіrmek bolǵan kezde er adam qashyp ketpek bolǵan. Úıge únemі esіktі syndyryp kіretіndіkten esіk ábden buzylǵan", – delіngen habarlamada.
Qarııanyń aıtýynsha, uly esh jerde jumys іstemeıdі. Balasynyń bul áreketіnen sharshaǵan zeınetker buǵan deıіn de polıtsııaǵa bіrneshe ret shaǵym túsіrgen.
"Densaýlyqqa zııan keltіrý faktіsі boıynsha sot-medıtsınalyq saraptama taǵaıyndalyp, quqyq buzýshy 10 táýlіkke qamaýǵa alyndy. 13 mamyrda Medeý aýdandyq azamattyq sotynda ony maskúnemdіkten májbúrlep emdeý máselesі boıynsha sot otyrysy ótedі", – delіngen Almaty polıtsııa departamentіnіń habarlamasynda.