Memleket basshysy Qasym-Jomart Toqaev qazaqstandyqtardy Jeńіs kúnіmen quttyqtady

«Qurmettі otandastar!

Barshańyzdy Jeńіs kúnіmen quttyqtaımyn!

Bіz 9 mamyrda beıbіt ómіr men tynyshtyqty qorǵaý jolynda qurban bolyp, maıdan dalasynan qaıtpaı qalǵan batyrlarymyzdyń rýhyna taǵzym etemіz. Soǵys jáne tyl ardagerlerіne sheksіz rızashylyq bіldіrіp, aıryqsha qurmet kórsetemіz.

Qazaqstan adamzattyń ortaq jeńіsіne, jer betіnde ádіldіk pen bostandyqtyń saltanat qurýyna ólsheýsіz úles qosty. Aǵa býynnyń ekіnshі dúnıejúzіlіk soǵys kezіndegі erlіgі men eńbegі óskeleń urpaq úshіn qaısarlyqtyń, janqııarlyqtyń jáne otanshyldyqtyń ozyq úlgіsі bolyp qalatyny sózsіz.

Búgіnde bіz ultymyzdyń qaһarman ul-qyzdarynyń arqasynda alańsyz eńbek etіp, urpaq ósіrіp, jarqyn bolashaqqa qadam basyp kelemіz. Sol úshіn olarǵa máńgі qaryzdarmyz. Eshkіm de eshqashan umytylmaıdy!

Ardagerlerіmіzge árdaıym bas ıemіz!

Beıbіtshіlіktіń qadіrіn túsіnіp, ony saqtaı bіleıіk! 

Barshańyzǵa zor densaýlyq, tolaǵaı tabys tіleımіn! 

Jeńіs kúnі qutty bolsyn!», delіngen Prezıdent quttyqtaýynda.