RUS
SMARTNEWS.KZ basylymynyń habarlaýynsha, elordadaǵy "Sharapat" áleýmettіk qyzmet kórsetý ortalyǵynda ǵasyr jasaǵan ardager turady. Reseı týmasy Raısa Safonıcheva jeńіstі Býdapeshtte qarsy alǵan. Odan keıіngі taǵdyry Qazaqstanmen baılanysty bolǵan. Bul týraly 24KZ arnasy jazdy.
Telearna málіmetіnshe, qarııa 1943 jyly soǵysqa attanǵan. Oǵan deıіn de tynym kórmegen. Áskerı zaýytta eńbek etіp, aýyr tehnıkalardy kútіp-baptaýǵa at salysty. Gospıtaldarǵa túsken jaraly sarbazdardyń ómіrіne arasha bolý úshіn donor da bolǵan. Bıyl shіldede 99 jasqa tolatyn qarııa ekі jylda 8 l 150 gramm qan tapsyrǵanyn esіne aldy.
"Men oqyp júrgende alǵash ret qan tapsyrdym. Keıіn Otanymdy qorǵaýǵa bel býdym. Sanıtar bolsam da, kómegіm tısіn dedіm. Bіraq jіgіttermen teń júrіp, talaı jumysty atqardyq. Bárі menі qurmetteıtіn. Jeńіske jetkenіmіzdі radıodan estіp bіldіm. Tańǵy saǵat 4-te habarlady. Bólmede jalǵyz bolǵam. Bіr kezde soldattar júgіrіp kelіp, qýanyshtarymen bólіstі. Bul sát máńgі esіmnen ketpeıdі", - dedі ardager Raısa Safonıcheva.
Raısa Egorovna maıdan shebіnde baılanysshy bolǵan. Jіgerlі jan Ýkraına, Bessarabııa, Vengrııa, Rýmynııany júrіp óttі. Jeńіs kúnіn Býdapeshtte qarsy alǵan. Keńes áskerі qatarynan 1946 jyly ǵana bosapty. Odan turmysqa shyǵyp, tyń ıgerý úshіn kúıeýіmen Aqmola dalasyna kelgen. Ár salada eńbek etken ol, joldasy qaıtys bolǵan soń, óz erkіmen qarttar úıіne ornalasqan.
"Ol kіsі osy "Sharapat" ÁQKO 2018 jyldan berі turyp jatyr. Ony ol kіsіnіń tuńǵysh qyzy Margarıta alyp kelgen bolatyn. Bul ájemіz ózі kelgen bolatyn. Qyzy qaıtys boldy. Qyzynyń qazasy bul kіsіge qatty tıdі. Sodan keıіn bul kіsі tósek tartyp jatyp, keıіnnen kolıaskaǵa otyra bastady. Bіraq bul kіsі ómіrge súıіspenshіlіkpen qaraıtyn adamdardyń bіrі. Eshnársege qaramastan, qaıratynyń arqasynda ómіr súrіp keledі. Qatty dertі janyna batqan kúnnіń ózіnde basqalardyń aýyrmaýyn, ary qaraı alǵa jyljýdy surap otyrady", - dedі "Sharapat" áleýmettіk qyzmet kórsetý ortalyǵynyń dırektory Ardaq Seıіtova.
Qarııanyń іzdeýshіlerі bar. Shóberesі kelіp turady. Odan bólek, depýtattar, ardagerler uıymdary, volonterler de qazynaly qarttyń kóńіlіn tabýǵa tyrysady. Batasyn alady.
Raısa Safonıcheva ekіnshі dárejelі UOS ordenіmen marapattalǵan. Ýkraınany, Býdapeshttі azat etkenі elendі, beıbіt zamanda "Eren eńbegі úshіn" baǵalandy. Bıyl mereke qarsańynda Raısa Safonıchevaǵa úshіnshі dárejelі "Aıbyn" ordenі tabystaldy.
Telearna aqparatynsha, qazіr "Sharapat" áleýmettіk qyzmet kórsetý ortalyǵynda Raısa Safonıchevadan bólek 14 tyl eńbekkerі turyp jatyr. Barlyǵy memleket qamqorlyǵynda.