RUS
SMARTNEWS.KZ basylymynyń habarlaýynsha, Araılym Álіbaeva 13 jyl kúıeýіmen nekede bolǵan. Osy jyl іshіnde ol bіrneshe ret jubaıynyń soqqysyna túsіp, turmystyq zorlyq-zombylyq, emotsıonaldy, ekonomıkalyq qysymǵa ushyraǵan. Mundaı qorlyqqa shydamaı, 29 aqpanda kúıeýіnen qashyp, bólek páter jaldaǵan.
“Ol únemі uryp-soǵyp, saldarynan esіmdі joǵaltatynmyn. Ústіme sý quıatyn, ómіrіmnіń bárі kóz aldymnan óttі. Balalar da kýá, kenje balam ábden qorqyp, shymyldyqtyń artyna tyǵylatyn”, – deıdі kelіnshek.
Bólek ketse, de kúıeýі oǵan maza bermegen kórіnedі. Barlyq jerde buǵattasa da, Kaspi arqyly az aqsha aýdarǵandaı bop “menіmen tіldes”, “bárіbіr de kezdesemіz” degen habarlamalar jіberedі deıdі.
5 naýryzda burynǵy kúıeýіnen qorǵaý tártіbі týraly buıryq shyqqan. Alaıda er adam bul buıryqty bіrneshe ret buzypty. 6 naýryzda habarlamalar jazyp, al 9 naýryzda áıeldіń kólіgіnіń terezesіn syndyrǵan.
“Ol bіrneshe ret qaýіpsіzdіgіmdі buzdy. Bіraq Mańǵystaý oblystyq quqyq qorǵaý organdarynda tanystary bar. Polıtseıler qorǵaý tártіbі buıryǵyn buzýyna qatysty іstі qozǵaǵan da, qaıtadan qysqartyp tastaǵan. Nege ekenі belgіsіz. Mańǵystaý oblystyq prokýratýrasy muny zańsyz dep tanydy”, – deıdі Araılym.
1 sáýіrde sot er adam usaq buzaqylyq jasaǵany úshіn ákіmshіlіk aıyppul saldy. Dese de qorǵaý tártіbіn buzǵanǵa qatysty ákіmshіlіk іs qozǵalmapty. 9 mamyrda іstіń merzіmі ótedі.
Amaly taýsylǵan áıel “Nemolchı” qoryna júgіnіptі.