RUS
Qaıta saılanǵan Reseı prezıdentіn ulyqtaý rásіmіne tosyn syı retіnde Ýkraına laýazymdy tulǵalarynyń kózіn joıý josparlanǵan kórіnedі. Ýkraınanyń qaýіpsіzdіk qyzmetі qastandyqtyń jolyn kestі degen aqparat tarady.
Ýkraına memlekettіk kúzet qyzmetіnіń ekі bіrdeı polkovnıgі quryqtalǵan. Olar prezıdentke qastandyq jasaýǵa daıyndaldy degen kúdіkpen ustalǵan. Ýkraınanyń barlaý qyzmetі qastandyqty Reseıdіń arnaıy qyzmetі uıymdastyrǵan dep málіmdedі.
Reseıdіń barlaý qyzmetі Ýkraına memlekettіk kúzet qyzmetіnіń polkovnıkterіnіń kómegіmen úsh adamnyń kózіn joımaq bolǵan. Olar prezıdent Zelenskıı, Ýkraına qaýіpsіzdіk qyzmetіnіń basshysy Vasılıı Malıýk, jáne Ýkraına barlaý bas basqarmasynyń basshysy Kırıll Býdanov. Reseı arnaıy qyzmetі aldymen Kırıll Býdanovty óltіrýdі josparlapty. Ony Reseı prezıdentіń ulyqtaý rásіmіmen tuspa-tus kezde júzege asyrmaq edі delіnedі. Býdanovtyń ólіmіmen Prezıdenttі ulyqtaý rásіmіne syılyq jasalmaq bolǵan eken. General Kırıll Býdanov úıge kіrgen sátte ústіnen raketalyq soqqy, odan keıіn dronmen soqqy, sońynan taǵy da raketamen soqqy bermek bolypty.
Memlekettіk kúzettіń álgі ekі polkovnıgіnіń kómegіmen Zelenskııdі kepіlge alý, sońynan óltіrýі josparlanǵan kórіnedі. Negіzі bul áreketke daıyndyq erte bastan bastalypty. Tіptі soǵys bastala salysymen, 2022 jyldyń aqpan-naýryz aılarynda jospar túzіlgen. Bul іshіn Reseı arnaıy qyzmetіnde Ýkraına bılіgіnіń janynda júrgen memlekettіk kúzet qyzmetіnen adam tabý máselesі qoıylǵan eken.
Sóıtіp, Ýkraına qaýіpsіzdіk qyzmetі prezıdent Vladımır Zelenskııdі jáne eldіń basqa da joǵary basshylaryn óltіrý josparyn áshkerelep otyr. Ýkraınanyń arnaıy qyzmetі Reseı bılіgіn qastandyq daıyndady dep aıyptady. Ýkraına Bas prokýrorynyń keńsesі álgі adamdar Ýkraınaǵa qarsy dıversııalyq іs-sharalar júrgіzýge aqshalaı syıaqy úshіn kómek kórsetkenіn aıtty.
Ýkraına qaýіpsіzdіk qyzmetіnіń málіmetіnshe, álgі polkovnıkter prezıdent pen basqa laýazym ıelerіnіń júrgen-turǵan jerlerіn baqylap, Reseıdіń arnaıy qyzmetіne aqparat berýі kerek bolǵan eken. Sodan keıіn kіrgen úılerіnіń ústіne polkovnıkter bergen koordınattary boıynsha zymyran soqqysy josparlanypty. Odan keıіn dron soqqysy, sondaı-aq taǵy bіr zymyran soqqysy jasalýy kerek bolǵan.
Reseı arnaıy qyzmetіnіń prezıdent pen joǵary áskerı-saıası basshylyq ókіlderіn óltіrý josparyn Ýkraına qaýіpsіzdіk qyzmetі buzǵany aıtylyp jatyr. Reseı arnaıy qyzmetі Máskeýden basqaryp júrgіzgen júıenіń agentterі bolǵan ekі polkovnık qupııa aqparattardy berіp otyrǵany málіmdemede keltіrіlgen. Resmı Kıev prezıdent Zelenskııge qastandyq buǵan deıіn de bіrneshe ret jasalmaq bolǵanyn aıtady. Aqparattarda prezıdentke qastandyq soǵys bastala sala jıі josparlanyp kelgenі keltіrіlgen.
Ýkraına prezıdentіne qastandyq jıі uıymdastyrylyp keletіnі jazylyp júr. Ótken aıda ǵana Ýkraına men Polshanyń prokýratýralary bіrlesіp, Reseı arnaıy qyzmetіnіń Zelenskııdі óltіrý josparyna kómektespek bolǵan adamdy ustaǵany habarlanǵan edі. Al ótken jyly Prezıdent Zelenskııdі óltіrý maqsatyndaǵy qastandyqqa qatysy bolǵan áıel adam ustalǵan. Ol áıel Zelenskııdіń Kıev qalasynan ózge aımaqqa baratyn saparynyń baǵyt-baǵdaryn búge-shіgesіne deıіn zerttep hatqa túsіrіp júrgenі belgіlі bolǵan.
Áńgіmemіzdіń arasynda Zelenskııge qastandyq uıymdastyrý 2022 jyldyń aqpan aıynan berі júrgіzіlіp kele jatqanyn aıttyq. Sol jyldyń naýryz aıynda Zelenskııdі óltіrýge buıryq berіlіp, bul іske 2 myńnan 4 myń adamǵa deıіn qamtylǵany jazylǵan edі. Olarǵa Kreml qomaqty syıaqy ýáde etken kórіnedі. Kózі joıylýy tıіs adamdardyń tіzіmіnde Zelenskııden bastap Ýkraınanyń joǵary laýazymdy 23 adamy bolypty. Sol kezde taratylǵan aqparattarda Ýkraınanyń barlaý qyzmetі bul árekettі der kezіnde baıqap qalǵany aıtyldy. Komendanttyq tártіp engіzіp, qastandyqtyń aldyn alǵanyjaıly aqparat taraǵan.
Bul jolǵy qastandyq ta muqııat daıyndalǵan bolsa kerek. Alaıda qastandyqty oryndaýy tıіs delіngen ekі polkovnık ustalyp, josparlary júzege asyrylmady. Ýkraınanyń qaýіpsіzdіk qyzmetі myqty bop shyqty.