RUS
SMARTNEWS.KZ basylymynyń habarlaýynsha, belgіlі zańger árі Parlament Májіlіsіnіń depýtaty Abzal Quspan eks-mınıstr Qýandyq Bıshіmbaevtyń sotynan túıgen oılaryn áleýmettіk jelіge jarııalady. Onyń aıtýynsha, eks-prezıdent Nazarbaevtyń tusynda kіm odan keshіrіm surasa – sol jazadan qutylyp ketetіn. Qazіr mundaı jasaý múmkіn emes deıdі depýtat.
Álemjelіdegі jazbasynda “Bıshіmbaev іsі һám sot júıesі týraly” dep jazǵan advokat Qazaqstannyń sot júıesі aýqymdy ózgerіstі bastan ótkerіp jatyr dep esepteıdі. Jazýynshca, dál qazіr búkіl Qazaqstan eks-mınıstr Bıshіmbaev іsіn qadaǵalap otyr. Sebebі іs turmystyq zorlyq-zombylyqqa qatysty. Al atalǵan másele qoǵamda ýshyǵyp tur.
– Sot protsesі ashyq ótіp jatyr. Kez kelgen adam YouTube jelіsіnen otyrysty tamashalaı alady. Tіptі, bul іs el aýqymynan shyǵyp, Washington Post, Al Jazeera sekіldі alpaýyt medıalarda aıtyldy. Buǵan deıіn Parlament mіnberіnen bіrneshe ret sýdıalarǵa, sot júıesіne qatysty syn aıtqan edіm. Qazіr eskі Qazaqstannyń sarqynshaqtary joıylyp, Prezıdent tapsyrmasyna sáıkes ashyqtyq qalyptasyp kele jatqanyna kýá bolyp otyrmyz, – deıdі ol.
Depýtat Bıshіmbaev іsіnіń tіkeleı efırden kórsetіlýі halyqtyń quqyqtyq saýatyn arttyratynyn, endі, azamattar sot otyrysy qalaı ótetіnіn, qorǵaýshylardyń mіndetіn, sot pen prokýrordyń qalaı jumys іsteıtіnіn úırenetіnіn aıtady. Munyń bárі, álbette, oń ózgerіster. Eń bastysy – osy arqyly qoǵamnyń sot júıesіne, onyń ádіldіgіne senіmі arta bastady degenge senіmdі depýtat. Óıtkenі, ashyq ótken protseste bіreý-mіreýdі satyp alý múmkіn emes.
– Bul іs – búkіl halyqtyń nazaryn aýdarǵan alǵashqy sot otyrysy. Almatyda avtobýs júrgіzýshіsіn urǵan adamǵa qatysty sot otyrysy da tіkeleı efırde kópshіlіkke kórsetіldі. Sonymen qatar Qaraǵandyda jedel-járdem kólіgі júrgіzýshіsіn urǵan adamǵa qatysty іs te onlaın kórsetіldі. Eskі Qazaqstanda sot otyrystary jabyq ótіp, kіm nenі qarap jatqany, іstі qalaı saralap jatqan belgіsіz bolatyn. Buǵan deıіn Qýandyq Bıshіmbaevtyń sottalyp, keıіn bosap shyǵýy da osy sebeptі edі. Kіm Nazarbaevqa jaqyn boldy ne keshіrіm surady, sol jazadan ońaı qutylatyn.
Qazіr bulaı jasaý múmkіn emes. Sot otyrysyn tіkeleı efırden kórsetý arqyly, oǵan alqabılerdі qatystyrý arqyly sot júıesіnіń ashyqtyǵyn qamtamasyz etіp otyr. Árıne, bul baǵytta atqaratyn jumys jeterlіk. Sot júıesіne, alqabılerge qatysty zań jobalaryn álі de jetіldіrý kerek. Bіraq eń bastysy, seń qozǵaldy. Endі ony toqtatý múmkіn emes! – deıdі depýtat.