RUS
SMARTNEWS.KZ basylymynyń habarlaýynsha, Araılym esіmdі áıel óz oqıǵasyn BAQ-qa aıtyp, vıdeo jarııalady. Onda ol barlyq quqyq qorǵaý organdarynan kúıeýіnen qalaı qorǵanýdy bіlmeıtіnіn aıtyp, kómek suraıdy.
Aıtýynsha, ol jubaıymen 13 jyl bіrge turǵan.
"Bіlesіzder be, men Bıshіmbaevqa qatysty sot protsesіn kórіp, tańǵaldym. Onyń ne aıtatynyn aldyn-ala bіlgen sııaqtymyn. Daýsy, sóıleý mánerі. Mundaı adamdar bіrdeı ómіr saltyn ustanyp, bіrdeı oılaý qabіletіne ıe bola ma? Óz basym tozaqta ómіr súrdіm. Odan 2023 jyly ketkіm keldі, bіraq úsh kіshkentaı balam bar edі. Ol menі ata-ana quqyǵynan aıyramyn dep qorqytty, ańǵal jáne jas boldym. Qoryqqanymnan qaıtyp keldіm. Aqyrynda odan taıaq dep aýrýhanaǵa tústіm", - deıdі Aqtaý turǵyny.
Jubaıymen aqyrǵy kezdesýіnіń sońy Araılym úshіn aýrýhanaǵa túsýmen aıaqtalǵan. Naýryzda er adamǵa áıelіne jaqyndaýǵa tyıym salatyn qorǵaý nusqamasy týraly úkіm shyqqan. Alaıda bul ony toqtatpapty.
"9 naýryzda kúıeýіm Aqtaý áýejaıynan kele jatqanymda іzіmnen túsіp apatty jaǵdaı týǵyzdy. Sonyń saldarynan men toqtaýǵa májbúr boldym. Ol kólіgіme jaqyndap kelіp, esіktі ashýymdy talap ettі. Qoqan-loqqy kórsetіp, beıádep sózderіn aıtty. Men esіkterdі jaýyp aldym. Ol kóp oılanbastan júrgіzýshі jaqtaǵy áınektі bіr uryp, syndyrdy", - deıdі áıel.
Aıtýynsha, janynda qurbysy otyrǵan. Ol bolǵan jaǵdaıdyń bárіn vıdeoǵa túsіrіp otyrǵan. Oqıǵa ornyna polıtsııa kelgende, Araılym ornynan qozǵala almaǵan. Júrgіzýshі oryndyǵynda esіn jııa almaı, bіraz ýaqyt jylap otyryp qalǵan. Osy kezde qurbysy polıtseılerden jedel járdem shaqyrýlaryn ótіngen, bіraq olar asyqpaǵan.
"Polıtsııa qyzmetkerlerі menіń jaǵdaıymdy kóre tura, asyqpaı, shamamen 10 mınýttan keıіn ǵana qońyraý shaldy. Onymen (kúıeýі – avt) sypaıy túrde sóılestі. Ol menі tіptі polıtsııa tursa da qorqytýdan jasqanbady. Qurbym jaǵdaıǵa aralasyp edі "jeke otbasylyq ómіrge aralaspaýyn jáne arandatýshylyq týdyrmaýyn" surady. Al maǵan ornymnan turyp, kólіkterіne baryp, aryz jazýym kerek dedі. Men stress pen sýyqtan dіrіldeı bastadym, búkіl denem qurysyp qaldy. Bul qorqynyshty tús sekіldі. Jedel járdem kelgende ǵana esіm jıylǵandaı boldy”, - dedі Araılym.
Áıeldіń aıtýynsha, keıіnіrek ol aýrýhanada jatqan kezde polıtseıler kelіp, qorǵaý nusqamasynyń bar ekenіn bіlmeıtіnderіn málіmdegen. Alaıda onyń bar ekenі vıdeoda bіrneshe ret aıtylǵan.
Araılym ózіn qorǵaý týraly týraly ótіnіsh pen hattardy barlyq ınstantsııalarǵa, turmystyq zorlyq-zombylyqqa qarsy qorlarǵa jáne el prezıdentіne jіbergen. Ol ózіnіń vıdeo úndeýіnde soqqyǵa jyǵylǵan sýretterіn jarııalady.