RUS
SMARTNEWS.KZ basylymynyń habarlaýynsha, Qazaqstan TJM eldegі sý tasqynyna qatysty málіmet usyndy. Oǵan sáıkes, Atyraý oblysynyń ekі aýdanynda Jaıyq deńgeıі shektіk belgіden asyp tústі. Bul týraly vedomstvonyń Telegram jelіsіndegі paraqshasy jazdy.
TJM málіmetіne súıensek, Atyraý oblysynda sý tasqynyna qarsy úıіndі bógender Jaıyq ózenіnіń arnasynan shyǵýyn tejeıdі. Al qutqarýshylar táýlіk boıy Qorǵanys qurylystarynyń jaı-kúıіne monıtorıng júrgіzýde. Elіmіzdіń tótenshe jaǵdaı mınıstrі Shyńǵys Árіnov Jaıyq ózenіnіń aǵysymen Kaspııge qaraı tómen túsіp, qorǵanys bógenderіn kózben sholyp teksergen.
"Sońǵy 5 kún іshіnde aımaqqa sý kelýde. "Qazgıdromet" RMK gıdrologııalyq monıtorıng derekterі boıynsha 12 mamyr saǵat 09-00-degі jaǵdaı boıynsha Jaıyq ózenіndegі sý deńgeıі:
Atyraý - 538 sm. Táýlіgіne + 5 sm.
Inderbor aýdany 1033 sm. Táýlіgіne +7 sm.
Mahambet aýdany 955 sm. Táýlіgіne +16 sm", - delіngen TJM habarlamasynda.
Sondaı-aq vedomstvo Jaıyq-Inderbor jáne Jaıyq-Mahambet sý beketterіnde deńgeı shektіk belgіden asyp túskenіn habarlady. Sýdyń odan árі artýy kútіledі.