RUS
Bul týraly smartnews.kz saıty habarlap otyr.
Oǵan Qazaqstan, Qyrǵyzstan, Tájіkstan, Túrіkmenstan jáne Ózbekstan kіredі.
Sý resýrstary jáne ırrıgatsııa mınıstrlіgі baspasóz qyzmetіnіń málіmetіnshe, kezdesý qorytyndysy boıynsha mınıstr «Dostyq» memleketaralyq kanaly arqyly sýarý maýsymynda Qazaqstanǵa 922 mln tekshe metr sý berý týraly kelіsіmge keldі. Bul rette Túrkіstan oblysynyń Shardara sý qoımasyna 4,8 mlrd tekshe metr sý jınalǵanyn aıta ketken jón.
Al Qazaqstannyń ońtústіgіndegі egіs alqaptaryn sýarý úshіn sý alynatyn Toqtoǵul (Qyrǵyzstan) sý qoımasyna 8 mlrd tekshe metr sý jınaldy. Sondaı-aq, otyrysta osy jyldyń 30 qyrkúıegіne deıіn Naryn-Syrdarııa sý qoımalary kaskady jumysynyń boljamdy kestesі bekіtіldі.
Otyrysqa qatysýshylar jyl basynan berі elіmіz tóraǵalyq etetіn Halyqaralyq Araldy qutqarý qory aıasyndaǵy jumysty jeke talqylady.
Búgіngі kúnge Qazaqstan tarapy barlyq uıymdastyrý jumystaryn aıaqtady. Sondaı-aq, «Ortalyq Azııa elderі arasynda sý-energetıkalyq yntymaqtastyq tetіgіn qurý týraly» kelіsіm jobasy ázіrlenіp jatyr.
«Qazіr bіzdіń basty mіndetіmіz – tasqyn sýyn jınaý. Bіz ony Kaspıı, Balqash, Qamys-Samar kólderіne, Ulytaý oblysynan Qyzylorda oblysynyń kólderіne jáne t.b. baǵyttaımyz. Bіraq sonymen qatar ońtústіk óńіrlerdі de sýmen qamtamasyz etý mańyzdy. Bul máselede sý dıplomatııasy óte mańyzdy», - dedі Sý resýrstary jáne ırrıgatsııa mınıstrі Nurjan Nurjіgіtov.
MSShÚK-nіń kelesі otyrysy osy jyldyń qyrkúıek aıynda Túrkіmenstanda ótedі.