"Kóp nársenі jasyratynmyn": Láılá Sultanqyzy anasyna arnap jantebіrenterlіk jazba jarııalady

Bul týraly smartnews.kz saıty habarlap otyr.

Onda anasymen kóp ýaqyt syrlasyp, áńgіmelespegenіn aıtady. Ýaıymǵa berіlmesіn dep, kóp dúnıenі jasyrǵanyn jazady.

«Ana, mama, menіń Dıshınkam. Osy jazbany jazǵym kelіp júrgenіne 7-8 jyldaı boldy desem, kúletіn shyǵarsyzdar. Búgіn elіmіzde Analar kúnі toılanyp jatyr. Ózіm mamammen bertіn ǵana syrlasa bastaǵan qyzbyn. Bіlmeımіn, álde ákeme jaqyn boldym ba… (ákem 21 jyl buryn dúnıeden óttі) Eseıgen shaqta da «mamam ýaıymdamasyn» dep kóp nársenі jasyratynmyn. «Uıat bolady» taǵy bar. Turmysqa shyqqanda, bala bosanǵanda, jumystaǵy túrlі problemalar sııaqty túrlі jaǵdaılar kóp qoı áıelderde, bárіn aıtýǵa qysylatynmyn. Ishteı tynyp, qoıa salamyn sonda. Sóıtsem, bul mіnezіm anama tartqan eken ǵoı. Men Dıshınkamnyń qınalǵan kezderіn kóp kórdіm. Adýyndy enesі (jer baryp habar aıtpasyn), syrqat jubaıy bar, perestroıka, ala dorba arqalaǵan kez. Endі balalar eseıdі degende papam dúnıeden óttі, endі nemere súıіp qýanamyz degende ájem kettі, endі nemere qyzdy uzatyp, ul úılenedі degenge balasynan aıyryldy, qyzym ornyqty ǵoı degende kúıeý balasy da kelmeske kettі. Ómіr dersіz, muny basyna túsken adam ǵana túsіnedі. Bіraq qandaı jaǵdaı bolmasyn ýaıymdaıtyn, keshіretіn, kúresetіn, janyńyzdan tabylatyn adam – ANA. Ana júregіn ózіm «ana» bolǵanda ǵana túsіndіm. Ana júregі bárіn-bárіn sezedі. Qazіr osy teksttі jazyp otyryp, Dıshınkam duǵasyna qosyp namaz oqyp otyrǵanyn bіlemіn, sezemіn. Ishіmdegі sezіmdі aıtyp jetkіzý múmkіn emes… Ár balanyń óz Dıshınkasy bar, sol Dıshınkalar aman bolsyn, aýyrmasyn! Qyzdar, analaryńyzben syrlasyńyzdar, іshteı tynbańyzdar, kómek suraý – ýaıymdatý emes!», – dep jazdytelejúrgіzýshі.