RUS
Syrtqy іster mınıstrlіgіnіń resmı ókіlі Aıbek Smadııarov áıelіn urdy dep kúdіkke alynǵan Qazaqstannyń BAÁ-degі elshіlіgіnde keńesshі Sáken Mamashqa qatysty túsіnіk berdі. Bul týraly Aikyn.kz habarlady.
«Syrtqy іster mınıstrlіgі oqıǵa bolǵan sátten bastap bul іstі erekshe baqylaýǵa aldy. Karına Mamashtyń kúıeýі 6 mamyrda elshіlіkten dereý Qazaqstanǵa qaıtarylady degen tapsyrma berіldі. Elge kelgennen (S. Mamash) keıіn, zańnamaǵa sáıkes ony qyzmetіnen bosattyq», - dedі A. Smadııarov mınıstrlіktegі aptalyq brıfıngіde tіlshіler suraǵyna jaýap bere otyryp.
Bul rette resmı ókіl elshіlіktіń burynǵy qyzmetkerіne qatysty tergeý júrіp jatqanyn eske saldy.
«Bіz bul qylmystyq іske aralasa almaıtynymyz túsіnіktі. Búgіn Karına Mamashpen kezdestіm jáne ol búkіl mán-jaıdy aıtyp berdі. Atap aıtqanda, Syrtqy іster mınıstrlіgі Karınaǵa barlyq kómektі jasaıdy», - dedі ol.
A. Smadııarov qyzmetіnen bosatylǵan S. Mamash dıplomatııalyq salada 15 jyldan astam jumys іstegenіn aıtty.
Buǵan deıіn Qazaqstannyń BAÁ-degі elshіlіktіń keńesshіsі Sáken Mamash áıelіne únemі kúsh kórsetetіnі, tіptі jubaıynyń ápkesіne de qol kótergenі týraly aqparat taraǵan edі.
Bul faktі boıynsha qylmystyq іs qozǵaldy.
QR Syrtqy іster mınıstrlіgі zardap shekken qazaqstandyqtyń BAÁ-den otanyna oralýyna kómektestі.
Karına Mamash Qazaqstanǵa balalarymen bіrge ushyp kelgen. Onyń anasy men ápkesі de daǵdarys ortalyǵyna ornalastyrylǵan.