RUS
«Qazіrgі tańda elіmіzde bolyp jatqan sý tasqyny Tótenshe jaǵdaılar mınıstrlіgіnіń kez kelgen qaýіp-qaterge daıyn ekenіn kórsetіp jatyr. Dál osy rejımde órt qaýpі kezeńіnde barlyq qajettі іs-sharalar uıymdastyrylady», – dedі mınıstr Úkіmet otyrysynda.
Búgіnde ár óńіrde іrі órttermen kúresý úshіn kúshter men quraldar – respýblıka boıynsha shamamen 50 myń adam jáne 10 myńnan astam tehnıka daıyndalǵan.
Qazavıaqutqarý avıatsııasynyń 19 borty turaqty daıyndyq rejımіnde tur, onyń 9-y sý tógetіn qurylǵylarmen jabdyqtalǵan. Aerovızýaldy barlaý úshіn 120 dron bar. Sondaı-aq jańadan qurylǵan respýblıkalyq Orman qoryn kúzetý jáne qorǵaý qyzmetіmen tyǵyz baılanys ornatylǵan. Mınıstrlіktіń kelіsіmіmen ákіmdіkter Tabıǵı órtterdі boldyrmaý josparlaryn bekіttі.
«Ótken jyldyń kúzіnde «Ormandala-2023» oqý-jattyǵýy ótkіzіldі. Erteń «Semeı ormany» rezervatynda Respýblıkalyq komandalyq-shtabtyq oqý-jattyǵýlar ótkіzemіz. Barlyq óńіrde orman sharýashylyǵy mekemelerі 53 órt-taktıkalyq oqý-jattyǵý ótkіzdі. Budan basqa, mınıstrlіktіń oqý ortalyqtarynda orman kúzetіnіń 1 300 jumysshysy oqýdan óttі», – dep túsіndіrdі mınıstr.
Óńіrlerde profılaktıkalyq іs-sharalar jalǵasýda jáne sharýa qojalyqtaryn aralaý praktıkasy jańartyldy.
«Búgіnde ormandy dala alaptary men demalys oryndarynda mobıldі toptar órt qaǵıdalaryn buzǵany úshіn 630 adamǵa aıyppul saldy», – dedі spıker.