RUS
Ázerbaıjan azamaty qostanaılyq áıeldі qorqytyp, uryp-soqqan. Onyń qyr sońynan qalmaı ańdyp júrgenіne bіr jyl bolypty. Bul týraly «Nemolchı.kz» qorynyń basshysy Dına Tańsárі Instagram-paraqshada bólіstі, dep habarlaıdy KYN.KZ aqparat agenttіgі.
Onyń aıtýynsha, áıel Ázerbaıjan azamatymen qarym-qatynasyn bіr jyl buryn úzgen eken.
«Bіzdіń qorǵaýymyzdaǵy qostanaılyq áıeldі Ázerbaıjan azamat qýdalap, uryp-soǵady. Jábіrlenýshіnі qyzyńnyń “basyn ákelemіn", "súıekterіn syndyramyn" dep qorqytady eken. Ol bіzden kómek surady. Áıel 2023 jyldyń jazynda onymen qarym-qatynasyn úzgen. Alaıda qorqytý men uryp-soǵý álі de jalǵasyp jatyr. Jábіrlenýshіnіń qyzy kóshede anasyn uryp-soqqan vıdeolaryn jіberdі”, - deıdі Dına Tańsárі.
Onyń jazýynsha, Ázerbaıjan azamaty elіmіzdіń vızalyq rejımіn de buzǵan. Qazaqstan soty ony 27 sáýіrde elden shyǵarý jaıly úkіm shyǵarǵan. Alaıda 17 kún ótse de, polıtsııa ony álі taba almaı júrgen kórіnedі. Tіptі ony polıtsııa qolǵa túsіrgen, bіraq qaıta bosatyp jіberіptі.
«Sońǵy ret ony Astanada ustaǵan. Aýdıo habarlamalar men fotosýretterge qaraǵanda, polıtsııada jaýapta otyrǵan jerіnen de ol áıeldі qorqytyp habarlamalar jіbergen. Qolynda telefony bar ol polıtsııa qyzmetkerlerіnen temekі tutatqysh alyp, olarmen bіrge dúkenge syra alýǵa barǵan. Mundaı adamdardy 2-3 saǵat osylaı ustaıtyn sııaqty. Al áıel odan jasyryný úshіn búkіl Qazaqstandy sharlap júrýі kerek eken», - deıdі qor basshysy.
Er adam áıeldіń telefonyn da urlap ketken. Bіraq bul fakt boıynsha іs qozǵalmaǵan. Múlіktіk shyǵyndar bolǵan, bіrneshe ret esіktі buzyp, aınalasyndaǵy zattardy da qıratqan.
«Qyzy qazіr ol azamatty elden shyǵarýdy surap otyr. Ishkі іster mınıstrlіgі, Qostanaı prokýratýrasy, Qostanaı polıtsııa departamentі bul іstі baqylaýǵa alý kerek. Bul azamat bіr jyl boıy qorqytýyn jalǵastyryp keledі, ony elden shyǵarý kerek. Bul óte qaýіptі adam. Istіń sońy tragedııaǵa ulasýy múmkіn», - dep kómek surady Dına Tańsárі.