Aqtaýda kámeletke tolmaǵan qyzdy zorlamaq bolǵan mektep kúzetshіsі qamaýǵa alyndy

Bіlіm berý uıymynyń kúzetshіsі aýlada oınap júrgen kámeletke tolmaǵan qyzdardyń qasyna baryp, bіreýіn shaqyryp alǵan. Kúdіktі qyzdy mekteptіń kіreberіsіndegі kúzetshі otyratyn bólmege kіrgіzіp, tıіse bastapty. 

«Bul masqara bіzdіń mektepte boldy. Kúzetshі — 52-53 jastaǵy adam. Qyz balany kіrgіzіp alyp, zorlamaq bolǵan. Abyroı bolǵanda qyz qashyp shyqty. Dalada oınap júrgen balalarǵa baryp, aldap іshke kіrgіzgen», — deıdі ata-analardyń bіrі. 

Zardap shekken qyzdyń anasy polıtsııaǵa shaǵym túsіrdі. 

Atalǵan mektep te oqıǵany rastady. Kúzetshі bіrden qamaýǵa alynǵan. Sebebі, onyń іs-áreketterі beınekameraǵa jazylǵan. Sondyqtan kúzet agenttіgіnіń ústіnen sotqa shaǵym berіldі. 

Polıtsııa departamentіnіń málіmetіnshe, atalǵan derek boıynsha qylmystyq іs qozǵaldy. Kúdіktі ýaqytsha ustaý ızolıatoryna qamaldy.