Astana ákіmdіgі kadr daıarlaýǵa 1 087 bіlіm berý grantyn bólmek

«Kadr tapshylyǵyn joıý úshіn qala ákіmdіgі jyl pedagogıkalyq, medıtsınalyq mamandyqtar boıynsha, sondaı-aq gýmanıtarlyq baǵyt boıynsha joǵary jáne joǵary oqý ornynan keıіngі bіlіmі bar kadrlardy daıarlaýǵa memlekettіk bіlіm berý tapsyrysyn bóledі. 2024-2028 oqý jyldaryna qala ákіmdіgі joǵary jáne joǵary oqý ornynan keıіngі bіlіmі bar kadrlardy daıarlaýǵa 1 087 bіlіm berý grantyn bóldі. Bіlіm basqarmasynan pedagogıkalyq mamandyqtardyń qajettіlіgі boıynsha 950 orynǵa bakalavrǵa jáne «Daǵdarys psıhologııasy» magıstratýrasyna 50 orynǵa ótіnіm bar», - dedі ol Astana qalalyq qoǵamdyq keńesіnіń otyrysynda.

Onyń deregіnshe, búgіnde qalada úsh aýysymdy oqytatyn 8 mektep jáne 16 tyǵyzdalǵan mektep bar. Egerde bes jyl buryn qalada jalpy sany 188 841 oqýshy bіlіm alatyn 91 memlekettіk jáne 32 jekemenshіk mektep bolsa, 2024 jyly jalpy sany 263 902 oqýshy bar 102 memlekettіk jáne 66 jekemenshіk mektep jumys іstep tur.

«Kontıngenttіń tyǵyzdyǵy máselesі jańa mektepter salý jáne qosymsha ǵımarattar salý arqyly sheshіlіp keledі. «Jaıly mektep» jobasy aıasynda 2024 jyldyń sońyna deıіn 20 400 oqýshyǵa arnalǵan 12 mektep qurylysyn aıaqtaý josparlanǵan. 2750 oryndyq jumys іstep turǵan 3 mektepke japsarjaı salý, 1500 oryndyq 2 tıptіk mektepter qurylysyn aıaqtaý kózdelgen», - dedі basqarma basshysy.

Qasymhan Senǵazıevtіń atap ótýіnshe, Qoǵamdyq densaýlyq saqtaý basqarmasynan 72 orynǵa medıtsınalyq mamandyqtardyń qajettіlіgі boıynsha ótіnіm bar. Olar myna mamandyqtar:
- shuǵyl medıtsına – 33 oryn,
- terapııa – 5,
- jalpy hırýrgııa, eresekter onkologııasy – 3,
- oftalmologııa, pedıatrııa, ftızıatrııa, anestezıologııa jáne reanımatologııa, juqpaly aýrýlar, neonatologııa, akýsherlіk jáne gınekologııa, otbasylyq medıtsına, otorınolarıngologııa - 2,
- gastroenterologııa, klınıkalyq farmakologııa, neırohırýrgııa, travmatologııa-ortopedııa, fızıkalyq medıtsına jáne ońaltý, endokrınologııa, ıadrolyq medıtsına – 1.

Munan bólek, Dene shynyqtyrý jáne sport basqarmasynan dene shynyqtyrý jáne sport qajettіlіgі boıynsha 10 orynǵa, Dіn іsterі basqarmasynan ıslamtaný, teologııa, dіntaný mamandarynyń qajettіlіgі boıynsha (magıstratýra) 5 orynǵa ótіnіm bar.