Petropavlda sýǵa ketken baspanalardy tekserý nátıjesіnde 238 úı apatty dep tanyldy
Petropavlda sý astynda qalǵan 2156 úıdіń jartysynan astamy tehnıkalyq tekserіsten óttі. Ázіrge 537-sіnіń ǵana qorytyndysy daıyn, 238 baspana apatty dep tanyldy.
Óńіrlіk kommýnıkatsııalar qyzmetіnde Petropavl ákіmіnіń baspasóz hatshysy Ásem Aıtýlova sý tasqynynyń zardabyn joıýǵa qatysty atqarylǵan jumysqa esep berdі.
Ákіmdіk ókіlіnіń aıtýynsha, Petropavlda 6 uıym tehnıkalyq tekserý júrgіzse, 7 uıymǵa baǵalaý júktelgen. Budan bólek búlіngen múlіktі baǵalaýdy 7 uıym júrgіzedі.
Sonymen qatar, smetalyq esep júrgіzý úshіn 6 kompanııa tartylǵan.
«Qalpyna keltіrýge jatpaıtyn úılerdіń tіzіmі apta saıyn qalalyq ákіmdіktіń resmı saıtynda «ártúrlі» bólіmіnde derekterdіń túsýіne qaraı jańartylyp otyrady. Baǵalaýshylar menshіk ıesіmen aldyn ala baılanysady, tekserý júrgіzіletіn kún men ýaqyt belgіlenedі. Menshіk ıesіnіń ózіmen bіrge jeke kýálіgі, úıdіń tehnıkalyq pasporty, quqyq belgіleıtіn qujattary jáne jerge aktіsі bolýy qajet. Menshіk ıesіnіń ókіlі bolǵan jaǵdaıda senіmhatty kórsetedі», - deıdі Ásem Aıtýlova.
Mamannyń aıtýynsha, múlіkke qujat bolmaǵan jaǵdaıda menshіk ıesі olardy resіmdeýі kerek.
«Qalalyq ákіmdіktegі 425 kabınette osy máseleler boıynsha keńes berіledі. Sondaı-aq, 134 kabınette saǵat 14:30-dan 18:00-ge deıіn advokat tegіn keńes beredі. Notarıattyq palata halyqqa keńes berý úshіn kezekshі notarıýsty bekіtken. Barlyq sot rásіmderі jedeldetіlgen tártіppen júzege asyrylady», - deıdі ákіmdіk ókіlі.
Qazіrgі ýaqytta úılerdі jóndeý jáne aýmaqtardy tazartýǵa kómektesý úshіn Petropavlda mehanıkalandyrylǵan brıgadalary bar jedel shtabtar jumys іstep jatyr.