RUS
22 sáýіrde óz páterіnde pyshaq jaraqatynan kóz jumǵan jas dárіger Móldіr Tomarovanyń ákesі іs burmalanyp kete me dep qaýіptenіp, qoǵam belsendіlerіnen kómek suraıdy. Ol qoǵamnan jalǵyz qyzynyń ólіmіne kіnálі adam qatań jazaǵa tartylýyn baqylaýdy ótіndі. Bul týraly nur.kz habarlady.
Marqumnyń ákesі qyzylordalyq Qaldybaı Tomarov Aqtóbede turǵan qyzymen sońǵy ret telefon arqyly sóılesken sátіn esіne aldy.
"Bul jaǵdaı Aqtóbede boldy. Qyzym sol jaqta 10 jyl oqydy. Medıtsınalyq ýnıversıtetke memlekettіk grantpen tústі. Oqýyn bіtіrіp, sol jaqqa jumysqa kіrdі. Qyzymmen oqıǵa bolǵan kúnі keshkі ýaqytta sóılesken edіm. Saǵat 23:30 shamasynda habarlastyq. Qyzym Toyota Corolla degen kólіgіn satqanyn, Qyzylordaǵa bılet alyp qoıǵanyn, úıge qaıtatynyn aıtty. "Erteń keshke menі poıyzdan kútіp al" dep qoshtasyp edі. Bul sońǵy ret sóıleskenіm eken. Erteńіne denesіn ǵana kórdіm", - dedі Qaldybaı Tomarov.
Qaza bolǵan dárіgerdіń týystaryna qaıǵyly habardy polıtsııa jetkіzgen. Dárіgerdіń ákesі qyzynyń basynan ótken oqıǵany Bıshіmbaev іsіmen salystyrdy.
"Erteńіne nemerelerіmdі balabaqshaǵa aparyp, úıdіń tіrlіgіmen júrdіm. Telefonyma habarlama keldі. Áldekіmnіń aty-jónі jazylǵan. "Sіzder myna adamdy tanısyzdar ma?" dep jazylyp turdy. Bіz ony tanymaımyz, túsіngen joqpyz. Shamaly ýaqyttan keıіn polıtsııa qyzmetkerі qońyraý shalyp "Aqtóbege kelýіńіz kerek, qyzyńyz qaıtys boldy" dep habarlady. Tóbemnen jaı túskendeı boldy. Ý-shý boldyq. Aǵaıyndar jınalyp, ekі kólіkpen jolǵa shyqtyq. Túnde jettіk. Árіptesterі kútіp aldy. Bіrge jumys іstegen árіptesterі máıіthanada jatqan qyzymdy kórsettі. Júregіnіń tusynda saý jer joq. Aıaýsyz pyshaq salǵan. Basyna da pyshaq kіrgen. Úıge ákelgende de denenі ashyp kórdіm. Basy men júregіnіń tusynan ura bergen. Úıge bіr kún qondyryp, jer qoınyna tapsyrdyq. Bıshіmbaevtyń іsі oıynshyq bop qalady. Bіz qan jylap otyrmyz", - dedі ákesі.
Jalǵyz qyzynan aıyrylyp, qara jamylǵan áke kóz jasyna erіk berdі. Qazіr marqumnyń anasynyń da densaýlyǵy syr bergen.
"Men úshіnshі top múgedegіmіn. 2005 jyly ınfarkt alǵanmyn. Sodan keıіn densaýlyq bolmaı qaldy. Myna jaǵdaı bіzdі eseńgіretіp jіberdі. Bіr ul, bіr qyzym bar-tuǵyn… Jalǵyz qyzym… Qazіr anasynyń da densaýlyǵy nasharlap kettі. Osy іske qoǵamnyń qadaǵalaýy kúsheıse eken. Ózіm áleýmettіk jelіde paraqsha ashyp qoıdym. Óz qoly ózіne jetіp, eńbek etіp júrgen jalǵyz qyzymyzdy aıaýsyz óltіrdі. Oǵan qatań jaza taǵaıyndalǵanyn talap etemіz. Olarǵa taǵaıyndalǵan jaza da aıaýsyz bolýy kerek. Qoǵam belsendіlerіnen kómek suraımyz. Jaǵdaıdyń burmalanbaýyn, qatań jazalaýyn baqylaýǵa alsa eken", - dedі marqumnyń ákesі.
Ákesіnіń aıtýynsha, 1 maýsymda 40 kúndіgіn bergennen keıіn Aqtóbege tergeý jumystarymen tanysýǵa barady.
Eske sala keteıіk, buǵan deıіn habarlaǵanymyzdaı, 22 sáýіrde bolǵan qandy oqıǵaǵa qatysty "Kіsі óltіrý" faktіsі boıynsha tergeý júrіp jatyr.