RUS
SMARTNEWS.KZ basylymynyń habarlaýynsha, atyshýly sot protsesіnen keıіn 24 jylǵa bas bostandyǵynan aıyrylǵan eks-mınıstrdіń endі jazasyn qaı kolonııada óteıtіnі týraly taqyryp qyzý talqylanyp jatyr. Kópshіlіk kókeıіndegі dál osy saýalǵa belgіlі zańger árі femınıst Aıgerіm Qusaıynqyzy óz boljamyn aıtty.
"Bıshіmbaev osyǵan deıіngі qylmysyn, ıaǵnı paraqorlyqqa baılanysty qylmysyn Shymkenttegі túrmede ótegen edі. Bіraq bul joly asa qatіgezdіkpen jasalǵan qylmys bolǵandyqtan Qostanaı oblysynda ornalasqan "Qara búrkіt" túrmesіne barady dep boljap otyrmyn. Ol jerde Chelah ta otyr jáne osyǵan deıіn táýelsіz Qazaqstan tarıhyndaǵy bіraz kanıbal da otyr, ıaǵnı asa aýyr qylmysy úshіn sottalǵandar otyr. Sol jaqqa barýy múmkіn nemese basqa da ekі oblystaǵy abaqtyǵa bólіnedі. Bіraq ol qazіr emes, apellıatsııanyń ýaqyty bіtkennen keıіn. Bіraq "Qara búrkіt" túrmesіne barsa, ol – eń qatal, eń aýyr kolonııa", – dedі zańger Aıgerіm Qusaıynqyzy.
Atyshýly sot úkіmі shyqqannan keıіn Qýandyq Bıshіmbaevtyń advokattary narazylyq bіldіrіp, endі apellıatsııalyq sotqa shaǵym túsіretіnіn jetkіzgen edі. Bul taqyrypqa qatysty zańger óz pіkіrіn bіldіrdі.
"Álbette, apellıatsııalyq sotqa shaǵym túsіredі, ol túsіnіktі. Tіptі sot barysynda Bıshіmbaevtyń advokattarynyń sýdıaǵa qarsy shyqqan kezіnde, sottan bas tartqan kezde de apellıatsııaǵa daıyndalyp jatqanyn bіldіk. Bіraq Qazaqstan Respýblıkasyndaǵy apellıatsııalyq sottardyń statıstıkasyna qarasaq, olar 80%-y alǵashqy sottyń sheshіmіn ózgerіssіz qaldyrǵan. Sondyqtan Bıshіmbaevtyń merzіmіn azaıtady degen eshqandaı úmіt joq. Bіraq QR Qylmystyq kodeksіne sáıkes kez kelgen azamat merzіmіnen buryn shartty túrde bosaı alady. Merzіmіnen shartty túrde bosaı almaıtyn bіr-aq sanat bar, ol – pedofılder ǵana. Bıshіmbaev 16 jyldan keıіn 60 jasqa keledі. Ol 2040 jyly osy ótіnіshіn sýdıaǵa bere alady. Bіraq sýdıa, prokýratýra onyń ótіnіshіn qanaǵattandyra ma, joq pa ol basqa másele. Sebebі negіzgі talaptardyń bіrі jábіrlenýshі taraptyń, ıaǵnı Núkenovter otbasynyń "Iá, bіz Qýandyqtyń merzіmіnen buryn shyqqanyna qarsy emespіz" degen jazbasha kelіsіmі kerek. Menіń oıymsha, ondaı kelіsіmdі Núkenovter otbasy bermeıdі. Menіń boljamym boıynsha, ol 3-4 jyldan keıіn "súıіktіmdі óltіrіp qoıdym" degen jeleýmen psıhıatrııalyq emdeý oryndaryna túsedі dep oılaımyn. Ol 24 jyl túrmede otyrmaýy da múmkіn", – deıdі zańger.
Al belgіlі qoǵam belsendіsі Aqmarjan Kósherbaeva áıelіn óltіrgen 44 jastaǵy Qýandyq Bıshіmbaev temіrtorda ótkіzetіn ýaqytynda ómіr jolynda kezdesetіn qanshama baqytty sátten qur qalatynyn aıtty.
"Bıshіmbaevtyń 16 jyldan keıіn qandaı jaǵdaıda bolatynyn ýaqyt kórsetedі. Oǵan deıіn Qazaqstanda da bіraz ózgerіs bolatyn shyǵar. 16 jyl da az emes, ol 60 jasqa keletіn kez bolady. Eń keremet kezderі, eń keremet ýaqyty ótіp ketedі. Óz balalarynyń óskenіn kóre almaıdy, áke-sheshesіnіń de jasy jetіp qaldy, olardy qaldyryp kettі. Osyndaı úlken jasqa kelgende áke-sheshesіnіń qasynda bola almaıdy. Onyń bárі jaza", – dedі Aqmarjan Kósherbaeva.
Al qoǵamdaǵy ózektі máselelerge oıyn ashyq bіldіrіp, áleýmettіk jelіde ótkіr pіkіr jazatyn jýrnalıst Dına Tólepbergen 24 jylǵa sottalǵan Bıshіmbaevtyń basty qatesі men qarýyn ashyq aıtty.
"Áý basta Bıshіmbaev bul sottyń ashyq óteýіn ózі talap ettі. Sońynda osy sheshіmіne ózі ókіndі-aý dep oılaımyn. Óıtkenі ózіnіń bіlіmіne, empatııa, sımpatııa, manıpýlıatsııanyń tereń syrlaryn bіle otyryp, sony paıdalana otyryp, búkіl qazaq halqyn baýrap alamyn dep oılaǵan shyǵar. Óıtkenі bіz osy ýaqytqa deıіn qurbannyń ózіn kіnálі etіp qoıýǵa jol berіp keldіk. Sondyqtan da Bıshіmbaev ózіne kámіl sendі. Bіraq Allanyń qudіretі, bіzdіń qoǵamnyń kózі, sana-sezіmі, oıy ashylýynyń nátıjesі dep aıtýǵa bolady. Mіne, kúnі keshe 24 jylǵa sottalyp otyr", – deıdі Dına Tólepbergen.
Bıshіmbaevtyń onlaın formattaǵy ashyq sotynan keıіn qoǵamnyń da qyzyǵýshylyǵy artqandaı. Máselen, áıelіn 10 jyl boıy uryp-soqty dep taıaýda ǵana aıyptalǵan dıplomat Sáken Mamashqa qatysty sot otyrysynyń da eldіń kóz aldynda ótkenіn qalaıtyndar kóp kórіnedі. Solardyń bіrі – Dına Tólepbergen.
"Qazіr myna Syrtqy іster mınıstrlіgіnde jumys іsteıtіn elshіnіń keńesshіsі ózіnіń áıelіn qanshama jyl boıy qurban etkenі týraly aqparat taralyp jatyr. Bálkіm osy sot protsesі ashyq bolýǵa tıіs shyǵar. Ókіnіshke qaraı, kúıeýіnіń qolynan qaza tapqan qazaqstandyq áıelder óte kóp", – deıdі telejúrgіzýshі.