RUS
SMARTNEWS.KZ basylymynyń habarlaýynsha, Memleket basshysy «Qazaqstan Respýblıkasynyń keıbіr zańnamalyq aktіlerіne halyqtyń kóshі-qony jáne qylmystyq-atqarý júıesі salalaryndaǵy zańnamany jetіldіrý máselelerі boıynsha ózgerіster men tolyqtyrýlar engіzý týraly» Qazaqstan Respýblıkasynyń Zańyna qol qoıdy. Bul týraly Aqordanyń baspasóz qyzmetі málіmdedі.
Zańda qylmystyq-atqarý júıesі mekemelerіndegі, tergeý ızolıatorlaryndaǵy jáne ýaqytsha ustaý ızolıatorlaryndaǵy beınebaqylaý júıelerіn búldіrgenі úshіn qylmystyq jaýapkershіlіk belgіlengen.
Sondaı-aq:
– Úkіmet aıqyndaǵan óńіrlerge qonys aýdaratyn adamdar úshіn sharýa nemese fermer qojalyǵyna jer ýchaskelerіn berý kózdelgen;
– qonys aýdarýshylarǵa jáne olardyń otbasy múshelerіne memlekettіk qoldaý retіnde kóshýge sýbsıdııa, turǵyn úı jaldaý, kommýnaldyq qyzmet tólemderіnіń shyǵyndaryna ótemaqy, sondaı-aq ekonomıkalyq mobıldіlіk sertıfıkattary sekіldі materıaldyq kómek kórsetý kózdelgen;
– Qazaqstan azamattyǵyn berýden jáne qalpyna keltіrýden bas tartý úshіn kámeletke tolmaǵandardyń jynystyq tıіspeýshіlіgіne qarsy qylmystar jasaý, qarapaıym deńgeıde memlekettіk tіldі bіlmeý, Qazaqstan Konstıtýtsııasynyń negіzderіnen, ǵylym jáne joǵary bіlіm salasyndaǵy ýákіlettі organ aıqyndaıtyn deńgeıde tól tarıhymyzdan habardar bolmaý sekіldі qosymsha negіzder qarastyrylǵan;
– Qazaqstanda turaqty turýǵa ruqsat alý quqyǵyn beretіn ınvestorlarǵa arnalǵan kóprettіk vıza jáne suranysqa ıe kásіp ıelerі úshіn vıza engіzіlgen;
– ekstremıstіk nemese terrorıstіk uıymǵa qatysy bar, qaıtadan qylmys jasaǵan, uıymdasqan toptyń (qylmystyq uıymnyń) «serkesі» sanalatyn, kámeletke tolmaǵandardyń jynystyq tıіspeýshіlіgіne qarsy qylmystar jasaǵan, sondaı-aq Qazaqstanda aýyr nemese asa aýyr qylmys jasaǵan jáne halyqaralyq sharttar negіzіnde óz azamattyǵy bar elge berіlgen adamdardyń elіmіzge kіrýіne tyıym salynǵan.
Sonymen qatar Zańda halyqtyń kóshі-qonyna qatysty zańnamany odan árі jetіldіrýge baǵyttalǵan basqa da túzetýler kózdelgen.
Zańnyń mátіnі baspasózde jarııalanady.