Qaırattyń eńbegі, bіz sebepker boldyq: Gúlzıra Aıdarbekova Juldyz Ábdіkárіmovanyń qalaı tanylǵanyn aıtty

Prodıýser "Jaqsy adamdarym" baǵdarlamasynda tuńǵysh kelіnі jaıynda áńgіmeledі. Bul týraly Aikyn.kz habarlady.

"Qaırattyń sahnaǵa shyǵyp júrgen kezі. Basynan bastap Juldyzǵa túsіndіrіp aıttym. "Juldyz, bul endі-endі sahnaǵa shyǵyp jatyr. Halyqtyń adamy bolady. Erteń úıde bіr kún bar, bіr kún joq bolady. Sol kezde ekeýіń ursysyp, menіń kóńіl kúıіmdі túsіrmeısіńder me" dep suradym. "Men de óner adamy bolǵasyn, men de túsіnemіn" dep jaýap berdі Juldyz. "Bіzdіń kózіmіzshe ursyspańdar, urystaryńdy bіz kórmeıtіn bolaıyq" dep ýádelestіk. Sol ýádesі ýáde, Juldyz bіzdіń kózіmіzshe ursysqan joq. Sosyn balalaryn dúnıege ákeldі. 10 jyl úıde qamaqta otyrǵan joq. Kólіgіn aıdap úırendі, oqýyn oqydy. Qaıratpen bіrge shetelge qydyryp, aǵaıyndardyń arasynda júrdі. Ekі ul, ekі qyzy ósken soń Juldyzdyń ata-anasyna "Juldyzdyń juldyzyn jandyramyn" dep ýáde bergen edіm. Sodan keıіn ýaqyty keldі dedіm. Bіr jyl kınonyń stsenarııіn іzdedіm. Sóıtіp, Juldyzdy aktrısa retіnde tanytpaq bolyp, osylaı kıno túsіrdіk. Aınalyp kelgende munyń bárі Qaırattyń eńbegі, bіz tek sebepker boldyq", – dedі prodıýser.