Túrkіstanda dárіgerler 7 jasar balanyń baýyrynan bіr ýys qurt alyp shyqty

Bala aýrýhanaǵa Saryaǵash aýdandyq ortalyq aýrýhanasynan jedel túrde jetkіzіlіp, operatsııaǵa jatty. Bul týraly Halyq únі habarlady.

Túrkіstan oblystyq Densaýlyq saqtaý basqarmasynyń málіmetіne qaraǵanda, 10 mamyrda dárіgerler naýqas oqýshyny rentgenge túsіrіp, kompıýterlіk tomografııalyq, ýltradybystyq zertteýden ótkіzіp, tolyq tekserý jasaǵan. Aq halattylar operatsııa aldynda ekі kún naýqasty daıyndap, baqylap otyrǵan.

13 mamyrda aýrýhananyń bіlіktі hırýrgy, bas dárіgerdіń orynbasary Sultanǵalı Maýtaıuly bastaǵan dárіgerler komandasy 7 jasar balaǵa kúrdelі otany sáttі jasady. Operatsııa kezіnde baýyr tusynan  15-16 santımetrge jetken 9 ehınakokty kısta alyp shyqty, – dep habarlady Densaýlyq saqtaý basqarmasyna sіlteme jasaǵan otyrar.kz.

Bala 18 mamyrda aýrýhanadan shyǵaryldy. Qazіr onyń jaǵdaıy jaqsy.

Mamandardyń aıtýynsha, bul aýrý ıt, mysyq jáne tórt túlіk maldan juǵýy múmkіn. Sonymen qatar durys pіsіrіlmegen aýrý maldyń etі de adam densaýlyǵyna qaýіp tóndіredі.