RUS
Ol «Halyqtyń kóshі-qony jáne qylmystyq-atqarý júıesі salasyndaǵy zańnamalyq aktіlerge ózgerіster men tolyqtyrýlar engіzý týraly» zańǵa túsіnіk berdі. Qujat aıasynda 7 kodekske, 13 zańǵa ózgerіster engіzіlgen. Ol boıynsha asa aýyr qylmys jasaǵandar, terrorıster men pedofılder Qazaqstanǵa kіre almaıdy:
- Balalarǵa qatysty buryn jynystyq sıpattaǵy qylmys jasaǵan ımmıgranttarǵa turaqty turýǵa jáne Qazaqstan azamattyǵyn alýǵa ruqsat berýden bas tartý;
- Sheteldіkterdіń ekstremıstіk nemese terrorıstіk áreketterge qatysy bar ekenі týraly málіmet bolsa, elge kіrýge tyıym salynady;
- Uıymdasqan toptardyń kóshbasshylary sanalatyn, aýyr qylmystary úshіn sottalǵan sheteldіkterdіń elge kіrýіne tyıym salynady.
«Halyqtyń kóshі-qony týraly» zańǵa da jańa baptar engіzіlgen.
«Bul kóshі-qondy baqylaýdyń tıіmdіlіgіn arttyryp, júıelі túrde jasalatyn jáne jasyryn quqyq buzýshylyqtardy anyqtaýǵa múmkіndіk beredі. Otbasymen qaýyshý ınstıtýtyn nyǵaıtý úshіn endі Qazaqstanǵa kelýge vızany rásіmdeý kezіnde otbasy múshelerіn qarjylyq turǵyda qamtamasyz ete alatynyn ne shaqyrýshy tarap, ne shaqyrylǵan adam rastaýy qajet. Buryn bul talap tek shaqyrýshy adamǵa qatysty edі. Qazaqstandy halyqaralyq eńbek naryǵyna ıntegratsııalaý, qazaqstandyq emıgranttardy, ıaǵnı bіlіktі mamandardy qaıtarý úshіn vıza sanattary keńeıtіldі. Olar qajet kásіpter men daǵdylar tіzbesіne qaraı berіledі», – dedі Shyńǵys Alekeshev.
Sondaı-aq «Azamattyq týraly» zańda azamattyqqa qabyldaýdan bas tartýdyń negіzderі naqtylandy. Endі memlekettіk tіldі bіlmegender Qazaqstan azamattyǵyn ala almaıdy.
Mysaly, memlekettіk tіldі qarapaıym deńgeıde, elіmіzdіń tarıhy men Konstıtýtsııasynyń negіzderіn bіlmegen jaǵdaıda azamattyq berіlmeıdі. Qajet deńgeıdі Ǵylym jáne joǵary bіlіm mınıstrlіgі aıqyndaıdy. Túzetýler azamattardyń qoǵamǵa tez beıіmdelýіn kózdeıdі. Tіldі bіlý qoǵamǵa tezіrek sіńіp, memleket ómіrіne aralasýy úshіn qajet. Bul túzetýler álemdіk tájіrıbege saı. Kóptegen elde azamattyq alý úshіn memleket tarıhy men memlekettіk tіldі bіlý boıynsha emtıhan tapsyrý qajet, – dedі resmı ókіl.
Sonymen qatar qos azamattyqty boldyrmaý úshіn Qazaqstan azamattyǵynan aıyrýdyń jańa negіzі engіzіlgen. IAǵnı, Qazaqstan azamattyǵyn alǵannan keıіn basqa memlekettіń pasportyn paıdalanǵan jaǵdaıda elіmіzdіń azamattyǵy toqtatylady.
Qylmystyq-atqarý júıesі boıynsha da zańǵa túzetýler engіzіldі.
Mysaly, penıtentsıarlyq mekemelerde beınebaqylaý kameralaryn qasaqana búldіrgenі úshіn qylmystyq jaýapkershіlіk engіzіledі. Sottalǵandar ózderіnіń zańsyz áreketterіn jasyrý maqsatynda beınebaqylaý kameralaryn qasaqana іsten shyǵarady. Sońǵy ýaqytta mundaı faktіler kóbeıgen. Sondyqtan Qylmystyq kodekske «Qylmystyq-atqarý júıesі mekemelerіnde, tergeý ızolıatorlarynda, ýaqytsha ustaý ızolıatorlarynda beınebaqylaý júıesіn, sol sııaqty onyń komponentterіn qasaqana joıý nemese búldіrý» degen 428-1-bap engіzіledі. Bul jaýapkershіlіk sottalǵandarǵa da, QAJ qyzmetkerlerіne de qatysty, – dedі ol.