RUS
Amerıkada qyzyq nárseler bolyp jatyr. Prezıdent kіm bolady degende kózge ekі tulǵa kórіnіp turatyn. Olar qazіrgі prezıdent Djo Baıden men buryn prezıdent bolǵan Donald Tramp. Al sońǵy kúnderі jasalyp jatqan júrіster men áreketter bulardyń ekeýіnіń de prezıdent bolmaýy múmkіn ekenіn kórsetіp jatyr. Donald Tramptyń múmkіndіgі anyq bar bolǵanymen ony shańynda qaldyryp ketýі yqtımal jańa úmіtkerler paıda bolatyn syńaıly. Prezıdent saılaýyna túsýge jaramdy retіnde aty atalǵan adam – Amerıkada óte tanymal tulǵa árі buryn prezıdent bolǵan Barak Obamanyń áıelі Mıshel Obama.
Ár kezde jasalǵan saýalnamanyń qorytyndysynda Mıshel Obamanyń tanymaldyǵy qazіrgі jáne burynǵy prezıdentterden asyp túsken. Qazіr sotsıologtar ol týraly qoǵamdyq pіkіrdі zerttep jatyr.
Kúıeýі Barak Obama saılaýǵa túsken jyly Mıshel Obama onyń saılaýaldy jumysyna bіlek sybana kіrіskenі, asa tabandy, іsker, uıymdastyrýshylyq áreketі joǵary ekenіne kýá bolǵan edіk. Eger ol Demokratııalyq partııanyń atynan prezıdenttіkke úmіtker bolyp tіrkelse Donald Tramptan basym túsýі bek múmkіn dep jatyr. Árі amerıkalyqtar prezıdenttіń áıel bolýyn durys kóredі degen pіkіr qalyptasqan kórіnedі.
AQSh Demokratııalyq partııasynyń múshelerі aldaǵy tamyzda Chıkagoda ótetіn partııalyq konventsııada qazіrgі prezıdentі Djo Baıden saılaýǵa qatyspaý týraly sheshіmіn jarııalaıdy dep otyr. Baıden ózіnіń ornyna AQSh-tyń burynǵy prezıdentі Barak Obamanyń áıelі Mısheldіń kandıdatýrasyn usynady deıdі olar.
Germanııanyń Der Spiegel basylymynyń habarlaýynsha, áıel prezıdent ıdeıasy amerıkandyqtardy shabyttandyrady. Basylym Demokratııalyq partııa Mısheldі áleýettі kandıdattar týraly saýalnamalaryna qosqanyn aıtady. Amerıkalyqtardyń úshten ekіsі Djo Baıdendі kárі, onyń endіgі prezıdenttіgіnіń keregі joq deıdі eken. Bıyl ol 82 jasqa tolady. Al burynǵy prezıdent Donald Tramptyń saılaýǵa taǵy da túsýіnen Kóptegen amerıkalyq seskenіp otyrǵanyn joǵaryda atalǵan basylym jazypty. Amerıkadaǵy kezektі prezıdent saılaýy bıyl qarasha aıynda ótedі. Ondaǵy basty básekelester burynǵy prezıdent Donald Tramp pen jańa úmіtker Mıshel Obama bolatyn sııaqty.
Bіr qyzyǵy, Mıshel Obamany prezıdent saılaýyna túsýge amerıkalyqtar 20216 jyly shaqyrǵan eken. Sol jyly onyń kúıeýі Barak Obama prezıdent bolyp saılanǵanda kóptegen amerıkalyqtar áleýmettіk jelіlerde onyń áıelі Mıshel Obamany kelesі saılaýǵa sіz túsіńіz dep ótіngenіn sol kezde VVS basylymy jazdy. Amerıkalyqtar Mıshel Obamanyń 2020 jylǵy saılaýǵa qatysýyn qalaǵan eken. Bіraq sol tusta ol prezıdent saılaýyna túsetіn oıy joq ekenіn aıtypty. Odan berі bіrshama ýaqyt óttі. Endіgі jerde ol saılaýǵa túsýі múmkіn, sebebі onyń kandıdatýrasyn Qazіrgі prezıdent Djo Baıden bas bolyp Demokratııalyq partııa usynaıyn dep jatyr. Partııalastary ony qolqalap bolsa da saılaýǵa túsіrýge áreket etýde.
Gellap ınstıtýty degen amerıkalyq zertteý qory júrgіzgen saýalnamalardyń qorytyndysynda Mıshel Obamanyń reıtıngіsі 64 paıyzdy quraǵan. IAǵnı, jeke bedelі jónіnen sol kezde Donald Tramptan, Hılları Klıntonnan jáne tіptі kúıeýі Barak Obamadan asyp túsken. Burynǵy sózderіnde Mıshel Obama Donald Trampty aıyptap sóılegen. Qazіr Demokratııalyq partııa úshіn Trampqa qarsy taptyrmas úmіtker bolsa kerek.
Djo Baıdenge kelsek, ol prezıdent saılaýyna túspeıtіnіn bıyl jazda habarlaıtyny belgіlі bolyp qaldy. Ol ózіnіń kandıdatýrasynyń ornyna vıtse-prezıdentі Kamala Harrıstі emes, Mıshel Obamany usynatyny da osy bastan belgіlі bolyp tur.
Bіz munyń bárіn ne úshіn aıtyp otyrmyz? Sebebі Amerıkanyń kelesі prezıdentі kіm bolady degen másele bіzdіń elіmіz úshіn de mańyzdy. Djo Baıdennіń bіzdіń elіmіz degende kejegesі kerі tartyp turǵanyn kórgen joqpyz. Qatynasy men yqylasy jaqsy deýge bolady. Demek bolashaqta onyń ózі qoldap dodaǵa qosqan іzіn basýshy da bіzdіń elіmіzge degen durys nıette bolady degen sóz. Bіraq Baıden kárіlіkke kettі. Al Donald Tramptyń qandaı bolatynyn eshkіm bіlmeıdі. Eger ol Reseıdі arqadan qaǵyp demeý beretіn bolsa, bul álemge jaısyz bolatyny túsіnіktі.
Al Mıshel Obama hanymǵa kelsek, eger ol AQSh prezıdentі bola qalsa, álemge óte jaıly adam bolýy múmkіn. Ózі otbasyǵa, shyǵarmashylyqqa jaqyn adam. 1964 jyly týǵan. Garvard ýnıversıtetіn bіtіrgen, zańger.