RUS
Sońǵy kezde Astanadaǵy sý retteıtіn bógettіń kórіnіsі áleýmettіk jelіde keńіnen tarap, halyq jappaı sol jerge aǵyldy. Alaıda ol kópshіlіk tamashalaıtyn oryn emes, qurylysy aıaqtalamaǵandyqtan qaýіptі, joldyń jan-jaǵy qorshalmaǵan, kelýshіler sýǵa qulap ketýі múmkіn.
Sý retteıtіn bógettіń negіzgі mіndetі — jazǵy jáne qysqy kezeńde qalanyń ortalyq bólіgіndegі ózennіń sý deńgeıіn retteý.
Sondaı-aq, bóget ózennіń tasqyn sýynyń eseptіk maksımaldy shyǵynyn 703 m3/s ótkіzýdі qamtamasyz etedі.
Qala turǵyndarynyń qaýіpsіzdіgі úshіn tehnıkalyq ótkel jabyq tur.
«Nysannyń qurylysy kelesі jyly aıaqtalady dep josparlanyp otyr. Joǵaryda aıtylǵandardyń bárіn eskere otyryp, elordalyqtardy qaýіpsіzdіk sharalaryn eleýsіz qaldyrmaýǵa jáne qorǵanys qorshaýynan ótpeýge shaqyramyz, sebebі bul qaýіptі bolýy múmkіn» deıdі ákіmdіkten.
Sonymen qatar, nysannyń qurylysy aıaqtalǵannan keıіn jaıaý serýenge arnalǵan bógettі jaılastyrý máselesі qarastyrylady.