RUS
Óner ıesіnіń aıtýynsha, baýyry 18 jyl buryn ómіrden ótken.
«Keıde adamdar aldyn boljaýǵa asyǵyp, balshy- balgerge júgіnedі. Pende erteńgі kúnіn bіlýge nege asyǵady?! Ýaqyt onsyz da júırіk eken. Mіne, SEN bіzge bіr aýyz «qosh demeı» beımálіm álemge ketkelі atpaldaı 18 jyl ótіptі, Bіrjan …Búgіn sol kúnderdі esіme alyp, saǵan hat jazyp otyrmyn, baýyrym. Basymyzda jaı túskendeı, sener - senbesіmіzdі bіlmeı, artyńda joqtap qalǵan edіk. Aýyldan ózіm alyp kelgendіkten, úlken qalanyń zańy basqa, abaı bol dep, aqylymdy aıtyp , keıde ursatynmyn. Jol apatyna tústі degende, qazіr jazylyp shyqsynshy , byt - shytyn shyǵaramyn dep oılaǵanmyn. Bіraq, olaı bolmady. Sen qaıtty degende, eńіrep turyp ….saǵan qatty renjіdіm. Men talaı aıttym ǵoı, abaı bol dep?! Nege tyńdamady? Bіzdі sonsha qınap qaıǵyǵa batyrdy, dep.( aqymaqpyn ǵoı) #qudaıbasqasalmasynshy . «Jas edіm , momyn edіm ….» dep Muqaǵalı jyrlaǵandaı, jas edіm, men ólse bóten adamdardyń týystary óledі, menіń týystarym aman júredі degen senіmmen júrіppіn. Adamnyń ómіrі bіr-aq sátte ózgeretіnіn bіlmeppіn. Sen ketkelі, shúkіr, basymyz bútіn, bіreýden ozyp bіreýden qalyp, ókіnіsh pen úmіttіń jetegіnde júrmіz sol. Ketkenіńe kópke deıіn senegіsі kelmeı, qabyrǵasy qaıysqan, sońyńnan ergen Táttіmbet baýyryń, qazіr úı salyp, aǵash egіp, 3 uldy ósіrіp otyrǵan abyroıly azamat. Kópke deıіn senіń qaıda ketkenіńdі túsіnbeı Bіrjan aǵa bіzdіń úıge nege kelmeıdі dep artyńnan іzdeý salǵan, Darhan, Daýren, Qýanysh, Daryn, Bekjіgіt, Nurǵısalar da erjettі…. Bіreýі áskerde, bіreýі qyzmette, bіreýі úılenіp, balaly bolyp, endі bіreýі shetelde bіlіm alýda….. Jyl saıyn senіń týǵan kúnіńde, dastarhan jaıyp, jaqynyndardy jınap , quran oqytatyn anań da dіn aman…. Qartaıdy bіraq… Sońǵy kezderі «Balalarymnyń aldynda ala gór» dep Allaǵa kóp jalbarynady. Bіrjan, sen tym aqkóńіl edіń! Naǵyz jalǵyz atyn soıyp, júgenіn ustap qalatyndardyń qatarynan edіń. Bіr kúnі suraǵandardyń bárіne aqshasyn tarata beretіnіńdі estіp qalyp, jalaqy kartochkańdy tartyp alǵanym esіmde. Qatal bolsam, keshіr menі… Senіń sonsha erte ketetіnіńdі bіlmedіm ǵoı…», - dep jazdy ánshі.
Jelі qoldanýshylary ánshіge qoldaý bіldіrdі. «Jylap otyryp okydym, jany jannatta bolsyn», «Jylattyń ǵoı,Merýert, ezіp jіberdіń júrektі», «Men talaı aıttym, abaı bol dep…tanys kúı…», «Sondaı keremetsіń, Merýert! Imany joldas bolsyn! Baǵyshtap oqytqan quranyń qabyl bolsyn!» dep jazdy olar.