RUS
Bul týraly búgіn Aqordada mádenıet jáne óner qyzmetkerlerіn kásіbı merekelerіmen quttyqtaǵan Memleket basshysy Qasym-Jomart Toqaev aıtty.
«Byltyr menіń Jarlyǵymmen elіmіzdegі іrgelі mádenıet ordalaryna ulttyq jáne akademııalyq mártebe berіldі. Bul sheshіm óner ujymdarynyń shyǵarmashylyq órіsіn keńeıtіp, olardyń kásіbı turǵyda shyńdala túsýіne jol ashatyny sózsіz. Osy baǵyttaǵy jumys bıyl da jalǵasady. Elіmіzdegі eń basty úsh mýzeıge, ıaǵnı úsh murajaıǵa ulttyq mártebe berіledі», — dedі Qasym-Jomart Toqaev.
Osy oraıda Prezıdent qazіrgі zaman talabyna saı mýzeı qoǵam sanasyn jańǵyrtýǵa zor yqpal etetіn ozyq ınstıtýtqa aınalýy kerektіgіn basa aıtty.
«Sol arqyly jas urpaq tól tarıhymyz ben saltymyzdy tereń tanyp, odan taǵylym alýy qajet», — dedі Memleket basshysy.