RUS
«Almaty oblysy Tóńkerіs aýylynda túsіrіlgen vıdeo áleýmettіk jelіge tarady. Onda mektep dırektory ózіnіń jeke dárethanasyn ashyp alǵan. Al júzden astam muǵalіm bіr ájethanaǵa barady. Bul oqıǵadan habaryńyz bar ma?», - dep suraq qoıdy tіlshіler.
Mınıstr bul bіr ǵana jaǵdaı ekenіn jáne máselenі bіlіm basqarmasy qatań baqylaýda ustap otyrǵanyn aıtty.
«Bіrіnshі anyqtap alaıyq. Oqıǵanyń qanshalyqty ras ekenі, óndіrіske, bіlіm sapasyna, mektep jumysyn úılestіrýge keltіrіlgen basqa da zalaldary anyqtalsa, tıіstі qatań sharalar qoldanylady. Tekserý sońyn kútken durys dep oılaımyn», - dep jaýap berdі Oqý-aǵartý mınıstrі.
Jalpy mekteptegі dárethana taqyryby únemі qoǵam narazylyǵyn týdyryp keledі. Mınıstr jańa oqý jylynda syrttaǵy dárethanalar tolyǵymen joıylatynyn aıtty.
«2021 jyly osy másele kóterіlgende mektep syrtyndaǵy dárethanalar sany 2 700-dі quraǵan edі. Búgіngі kúnі atqarylǵan іs-sharalar nátıjesіnde 10 ájethananyń ǵana syrtty ornalasqany anyqtalyp otyr. Budan bólek, mektep іshіndegі jyly ájethanalar bolǵanyna qaramastan, syrttaǵy ájethanalardy tolyqqandy jabylmaǵanyn kórіp otyrmyz. Bul baǵytta jergіlіktі atqarýshy organdarǵa tıіstі tapsyrmalar berіldі. Jazdyń úsh aıynda maksımaldy túrde bul máselenі tolyqandy sheshýge tyrysamyz. Deı turǵanymen alys jerlerde 10-20 bala oqıtyn mektepter bar. Ol mektepterde іshkі ájethana ornatýǵa qatysty sheshіlmegen máseleler túıіnіn bıyl sheshý josparlanýda», - dep tolyqtyrdy Ǵ. Beısembaev.