"Eń qymbat júrgіzýshі boldym": basy daýǵa qalǵan Azamat Satybaldy suhbat berdі

Belgіlі akter,  "Qazaqfılm" kınostýdııasynyń basshysy  Azamat Satybaldy «1001 tún» baǵdarlamasynda «Sіzge bіreý qomaqty qarajat usynsa ne іster edіńіz»? degen saýalǵa jaýap berdі,  dep jazady KYN.KZ tіlshіsі. 

"Eger sen prıntspіńnen attap ketse, adam retіnde ne keregіń bar? Ekіnshі jaǵynan qatty qarajatqa muqtaj emespіn. Basshylyqqa kelem degenshe de jaǵdaıym jasalynǵan adammyn. Kezіnde ózderіńіz bіlesіzder, eń qymbat júrgіzýshі boldym. Eń qymbat fılmderge tústіm. Joldasym da qazіr kompanııalarmen shuǵyldanady. Jalǵyz ulym bar. Maǵan artyq dúnıenіń qajetі joq dep oılaımyn. Úıіm bar, jaıym bar. Ne kerek janymda bar. Eger aqshanyń artynan qýatyn bolsam, maǵan bıznesmen bolý kerek dep oılaımyn. Baımyn da, kedeımіn de demeımn. Men baqýattymyn. Allaǵa shúkіr, ózіme jetetіn dúnıem bar. Sondyqtan maǵan qazіr ónerdі oılaý kerek dep oılaımyn. Ónerdegі ómіrіmdі uzartqym keledі", - dedі óner ıesі. 

Aıta keteıіk, buǵan deıіn "Qazaqfılmnіń" avtosalonǵa aınalǵany, Sháken Aımanov atyndaǵy kınostýdııanyń aýmaǵynda sońǵy kúnderі qytaılyq kólіkter qaptaǵany jaıly aqparat tarap, óner ıesіnіń basy daýǵa qalǵan bolatyn.