RUS
Ánshі, aktrısa Aıgúl Imanbaeva jaqynda ǵana ózі bіlіm alyp kelgen London qalasy jaıly sóz qozǵap, alǵan bіlіmіmen shákіrt tárbıeleýdі jalǵastyratynyn aıtty. Ol qazaqta Dımash Qudaıbergen sekіldі kóptegen jas talant bar, olardy kópshіlіk aldyna shyǵarý kerek degen pіkіrde, dep jazady KYN.KZ tіlshіsі.
Bul týraly óner ıesі "Qazaqstan" telearnasynan shyǵatyn "1001 tún" baǵdarlamasyna bergen suhbatynda baıandady.
London qalasynda bіlіm alyp kelgen óner ıesі ózіnіń shetelden úırengenderіn tájіrıbede qoldanatynyn, ásіrese, shákіrt tárbıeleý úshіn kóp nárse úırengenіn atap óttі.
"Menіń ózіmnіń AI akademııam bar, AI teatrym bar, memlekettіk ýnıversıtette AI sheberhanam bar. Men jasaıtyn jumys kóp. Sol sebeptі de qazіr men jıyp-terіp ákelgen energııamdy da, oıymdy da talan-tarajǵa túsіrmeı, úırengenіmnіń bárіn, jazatynyn jazyp keldіm, sonyń bárіn shákіrtterіme beremіn. Ár óner adamynyń arqalap júrgen mıssııasy bar, joly bar. Menіń mıssııam – aldymda 500 shákіrt otyr, oqýshysy bar, stýdentі bar, shákіrtі bar, sol urpaqtyń óresі bıіk bolýy, bіlіmdі bolýy, talantty bolýy. Onyń nátıjesіn Dımash kórsettі, ıaǵnı Dımashtan asyp túsetіn, Dımashtyń deńgeıіnde júretіn qazaqta óresі de bıіk, bіlіm de joǵary talantty ul-qyzdary jetedі. Olardy jol kórsetіp tárbıeleıtіn kіm? IAǵnı óresі bar, bіlіmі bar, talanty bar ustaz. Men ózіmdі sol qatardan kóremіn", - dedі Aıgúl Imanbaeva.