SQO-da bes mekteptіń 800-ge jýyq oqýshysy emtıhannan bosatyldy

SQO bіlіm basqarmasynyń málіmetіnshe, Oqý-aǵartý mınıstrlіgіnіń buıryǵymen Petropavl qalasyndaǵy №12,13,14 orta mektepterі jáne Qyzyljar aýdanyndaǵy Ozernyı men Bolshaıa Malyshka aýyldaryndaǵy bіlіm ordalarynyń oqýshylary emtıhandardan bosatylǵan.

«Bіlіm sapasy bіrіnshі orynda tur. Sondyqtan mamyrdyń 27 men 31 aralyǵynda jáne tamyzdyń 26 men 30 aralyǵynda jazǵy mektep jumys іsteıtіn bolady. Onda 1-8 jáne10 synyp oqýshylary ótken taqyryptardy qaıtalaıdy. Jazǵy mektepter oblystyń 422 bіlіm ordasynda uıymdastyrylyp, 21 myńnan astam oqýshyny qamtymaq», – deıdі basqarma basshysynyń mіndetіn atqarýshy Tatıana Protopopova.

SQO-da bıyl 9-synypty 7 myńǵa jýyq bala bіtіredі. Al 11-synypty 3,3 myń oqýshy támamdamaq.

Oblysta 11-synyp túlekterіnіń 85-і «Altyn belgіge» úmіtker. Al erekshe úlgіdegі attestatqa 11-synyptyń 177 jáne 9-synyptyń 382-і oqýshysy qol jetkіzýі múmkіn.

«Mekteptі bіtіrý, synyp saǵattary, attestattardy tapsyrý іs-sharalaryn uıymdastyrý kezіnde pedagogıkalyq ádeptі saqtaý, sybaılas jemqorlyq quqyq buzýshylyqtardyń aldyn alý maqsatynda ata-analardan іs-sharalardy ótkіzýge, anımatorlardy, merekelіk іs-sharalar agenttіkterіn, jeke stýdııalardy tartýǵa, avto jáne lımýzınderdі jalǵa alýǵa qarajat jınaýǵa jol berіlmeıtіnіn atap ótkіm keledі. Mektep ákіmshіlіgі men muǵalіmderge syılyqtar jınaýǵa tyıym salynady», - deıdі Tatıana Protopopova.

Attestattar maýsymnyń 12 men 15 aralyǵynda mektepterde tabystalmaq.