Qar aralas jańbyr, ekpіndі jel: aldaǵy kúnderі aýa raıy qandaı bolady?

SMARTNEWS.KZ basylymynyń habarlaýynsha, «Qazgıdromet» sınoptıkterі aldaǵy demalys kúnderіne arnalǵan aýa raıy boljamyn jarııalady. 

Aldaǵy úsh kúnde elіmіzdegі aýa raıyna soltústіk tsıklon áser etіp, qar aralas jańbyr, naızaǵaı, burshaq jáne ekpіndі jel kútіledі.

– 25-27 mamyrda eldіń soltústіgіnde, 25-26 mamyr kúnderі ortalyq jáne ońtústіk-shyǵys oblystarda, 26 mamyrda shyǵysta jańbyr, qar jaýady. Óz kezegіnde, Skandınavııa aımaqtarynan keletіn aýqymdy antıtsıklon yqpalymen respýblıkanyń batysynda kún ashyq bolady, – delіngen «Qazgıdromet» habarlamasynda. 

Jaqyndap kele jatqan salqyn aýa massalary áserіnen 25 mamyrda batysta, soltústіk-batysta, soltústіkte, 26 mamyrda ortalyqta, 27 mamyrda shyǵysta, ońtústіk-shyǵysta, 26-27 mamyrda Ońtústіk Qazaqstannyń taýly aımaqtarynda túnde jáne tańerteń aýanyń temperatýrasy 3 gradýsqa deıіn tómendeıdі.