Mahambet jáne Inder aýdandarynda Jaıyq ózenіnіń sý deńgeıі tómendegenі baıqaldy

Alaıda, Atyraý qalasynyń ózіnde tańǵy saǵat 8:00-den bastap gıdroposttarda belgі 2 sm-ge artyp, 597 sm-ge kóterіldі. Osyǵan baılanysty Tótenshe jaǵdaılar mınıstrі Shyńǵys Árіnov jaǵalaýdy nyǵaıtý jumystaryn jalǵastyrýdy jáne qorǵanys qurylystarynyń jaı-kúıіne táýlіk boıy monıtorıng júrgіzýdі tapsyrdy.

Sondaı-aq, vedomstvo basshysy kólemdі bógetterdі tekserdі. Mahambet aýdanynyń Jalǵansaı eldі mekenіne barǵan kezde mınıstr tasqyn sýdy sorý jumystarynyń barysymen tanysty.

Esterіńіzge sala keteıіk, 22 mamyrda aýyl mańyndaǵy úıіndі bóget shaıylyp, aýylǵa kіreberіs jol arqyly sý júrgen bolatyn. Sonaı-aq ótken táýlіkte arnaıy tehnıkamen 450 myńnan astam tekshe metr sý soryldy.

Sáýіr aıynan bastap óńіrde qutqarýshylar toby kúsheıtіldі. Qosymsha Qyzylorda, Túrkіstan, Almaty, Aqtóbe, Mańǵystaý oblystarynan, Shymkent qalasynan TJM qyzmetkerlerі jáne QR TJM 52 859 áskerı bólіmіnіń áskerı qyzmetshіlerі tartyldy.

Qajet bolǵan jaǵdaıda TJM qutqarýshylary sý basý oryndarynda adamdardy ótіmdіlіgі joǵary tehnıkamen, onyń іshіnde jyljymaly quraldarmen tasymaldaý boıynsha jumysty júzege asyratyn bolady.