RUS
«Elіmіzdegі segіz negіzgі sý sharýashylyq basseınderіnіń jeteýі transshekaralyq bolǵandyqtan, Qazaqstan Respýblıkasy kórshі elderden aǵyp keletіn sý aǵynyna tіkeleı táýeldі. Oǵan qosa, elіmіz boıynsha sý resýrstary bіrkelkі shoǵyrlanbaǵan. Jyl saıyn aýyl sharýashylyǵy qarqyndy damyǵan elіmіzdіń ońtústіk óńіrlerіnde sýarý maýsymynda aıtarlyqtaı sýmen qamtamasyz etý problemalary týyndap otyratyny bar. Atalǵan problemalardy sheshý maqsatynda Tujyrymdama aıasynda gıdrotehnıkalyq qurylystardy rekonstrýktsııalaý men olardy salý jáne transshekaralyq kelіssózderdі el múddesіne saı kúsheıtý jumystary atqarylyp jatyr», - delіngen mınıstrlіktіń Kazinform agenttіgіne bergen jaýabynda.
Sonymen qatar vedomstvo bıyl sý tasqynynyń aldyn alý baǵytynda ǵylymı zertteýler júrgіzіletіnіn habarlady.
«Memleket basshysynyń tapsyrmasy boıynsha jańa Sý kodeksіnіń jobasyna ózgerіster engіzіlіp jatyr. Atap aıtqanda, sý tasqynyn aldyn ala boljaý, josparlaý jáne jedel den qoıý іssharalarynyń bіryńǵaı júıesіn engіzý boıynsha jeke taraý daıyndaldy. Memlekettіk organdardyń sý tasqynynyń aldyn alý jónіndegі negіzgі іs-sharalary men quzyretterі aıqyndaldy. Sondaı-aq, Tujyrymdamaǵa da ózgerіster engіzіledі. Sý tasqynynyń aldyn alý jáne odan keletіn zalaldy azaıtý úshіn keshendі ǵylymı zertteýler júrgіzý qarastyrylyp otyr. Sý tasqynyn boljaý men modeldeýdі jetіldіrý, kadrlyq áleýettі arttyrý, ınfraqurylymdy damytý jónіndegі іs-sharalar kúsheıtіlіp jatyr», - dep atalyp ótken Sý mınıstrlіgі aqparatynda.
Qazіrgі kezde tujyrymdamaǵa engіzіletіn túzetýler basqa memlekettіk organdarmen talqylanyp jatqany belіgіlі boldy.
«Sonymen qatar, sý tasqynyna qarsy tıіmdі kúres tájіrıbesі bar memleketterdegі ozyq sheteldіk tájіrıbeler zerdelenіp otyr. Tujyrymdama aıasynda elіmіzdіń 10 oblysynda jańadan 20 sý qoımasy salynyp, 15 sý qoımasyn rekonstrýktsııalaý kózdelgen. Salynatyn 20 sý qoımasy bolashaqta 2,5 mlrd tekshe metrge deıіn sý jınaı alady», - dep naqtylady mınıstrlіk.