RUS
54 jastaǵy er adam buǵan deıіn zorlaý, urlyq jáne esіrtkі qylmystary boıynsha sotty bolǵan jáne balaǵa azǵyndyq jasar aldyn túrmeden bіrneshe kún buryn ǵana bostandyqqa shyqqan.
Oqıǵa ótken jyldyń qarasha aıynda bolǵan. Alkogoldіk іshіmdіk іshken er adam aýlada oınap júrgen balany garajǵa aldap aparyp, kıіmіn sheshken. Onyń bul áreketіn kórshіler baıqap qalyp, dereý polıtsııaǵa habar bergen. Er adam oqıǵa ornynda ustalǵan.
Sotqa deıіngі tergeý barysynda er adam kіnásіn tolyq moıyndaǵan. Alaıda sot otyrysynda ol ózіne qysym kórsetіlgendіkten qylmysty moıyndaǵanyn aıtqan.
«Qysym kórsetý boıynsha tekserý jumystary júrgіzіlіp, bіraq eshqandaı fakt rastalmady. Onyń ústіne psıhologııalyq-krımınalıstıkalyq sot saraptama júrgіzіlіp, jaýap alý kezіnde ol vıdeoǵa túsіrіlgenі, onda eshbіr qysym kórsetіlmegenі anyqtaldy. Sot ony advokatynyń qatysýymen óz erkіmen jaýap bergen dep tanydy»,- dedі qalalyq qylmystyq іster jónіndegі mamandandyrylǵan aýdanaralyq sotynyń sýdıa Ábınur Qarabaev.
Sot materıaldaryna sáıkes onyń kіnásі dáleldenіp, oǵan Qylmystyq kodekstіń 121-baby 4-tarmaǵymen 20 jylǵa bas bostandyǵynan aıyrý jazasy berіldі. Sottalýshy jazasyn qaýіpsіzdіgі barynsha joǵary túzeý mekemesіnde óteıtіn bolady.
Sot úkіmі zańdy kúshіne engen joq. Sottalýshy retsıdıvıst úkіmmen kelіspegen jáne apellıatsııalyq shaǵym túsіrgen.