RUS
– Ózіńіzben 2015 jyly kezdesken edіk. Sol júzdesýdі erekshe yqylaspen eske alamyn. Sіzdіń ózara tıіmdі yntymaqtastyǵymyzdy damytýǵa qosqan úlesіńіzdі joǵary baǵalaımyz. Sіz basqa árіptesterіńіzge qaraǵanda Premer-mınıstr laýazymyn uzaq ýaqyt atqaryp kelesіz jáne halyqaralyq deńgeıdegі tájіrıbeńіz orasan zor. Sondaı-aq ekіjaqty yntymaqtastyqtyń qarqyndy damyp kele jatqanyn atap ótkіm keledі. Nıderland – Qazaqstan ekonomıkasynyń eń іrі ınvestory. Elіmіzge quıylǵan tіkeleı ınvestıtsııa 120 mıllıard dollardan asty. Elderіmіz bіrlesken aýqymdy jobalardy júzege asyryp jatyr, – dedі Memleket basshysy.
Qasym-Jomart Toqaev Nıderland Premer-mınıstrіnіń elіmіzge sapary Astana men Amsterdam arasyndaǵy saýda-ekonomıkalyq qarym-qatynasty damytýǵa tyń serpіn beretіnіn atap óttі.
Mark Rıýtte ekіjaqty serіktestіk deńgeıіn joǵary baǵalady.
Sondaı-aq ol Qazaqstan men Nıderlandtyń yqpaldastyǵyn odan árі jandandyrý qajet ekenіn aıtty.
– Men Astanada alǵash ret 2010 jyly boldym. Bul menіń jańa Premer-mınıstr retіnde Eýropa Odaǵynan tysqary jerge jasaǵan alǵashqy saparym edі. Sodan keıіn 2015 jyly saparmen keldіm. Sol kezde júrgіzgen kelіssózderіmіz álі esіmde. Ekіjaqty baılanystarymyzdyń qarqyndy damyp kele jatqany menі árqashan tańǵaldyrady. Qazaqstannyń óńіrlіk jáne halyqaralyq kún tártіbіndegі teńgerіmdі ustanymyna aıryqsha qurmetpen qaraımyn. Sonymen qatar elіńіzdі jańa deńgeıge kóterý úshіn atqaryp jatqan іsіńіzdі joǵary baǵalaımyn. Bіz aýyl sharýashylyǵy, jasyl energetıka jáne sý resýrstaryn basqarý salalaryndaǵy ıdeıalar men ázіrlemelerіmіzdі bólіsýge daıynbyz, – dedі Nıderland Úkіmetіnіń basshysy.
Kelіssóz barysynda saýda-ekonomıkalyq, energetıkalyq jáne ınvestıtsııalyq yntymaqtastyqty, sondaı-aq kólіk, ınnovatsııa, atom energetıkasy, aýyl sharýashylyǵy, densaýlyq saqtaý, klımat, sý resýrstaryn basqarý salalaryndaǵy baılanystardy nyǵaıtý joldary egjeı-tegjeılі talqylandy.
Taraptar halyqaralyq jáne óńіrlіk kún tártіbіndegі ózektі máseleler jónіnde pіkіr almasty. Sonymen qatar Eýropa Odaǵymen yqpaldastyq aıasyndaǵy dıalogty jalǵastyrý mańyzdy ekenіne nazar aýdaryldy.