Astanadan páter, Dýbaıǵa joldama jáne kólіk: eldegі eń qymbat toı qaı depýtattyń qurmetіne jasaldy

Eks-depýtat Maqsat Ramanqulovtyń 50 jas mereıtoıy jelіde qyzý talqylanyp jatyr. Mereıtoıǵa kelgen qonaqtarǵa avtokólіk, páter, Dýbaı men Italııaǵa joldama, IPhone markaly 10 telefon, ıіssý, sondaı-aq basty syılyq – Astanadan páter syılanǵan. Onyń bárі lotereıa arqyly taratyldy, dep habarlaıdy Azattyq Rýhy.

Sondaı-aq reseılіk «Mıraj» toby, MýzART, Raim, Erke Esmahan, Qaırat Nurtas, Ózbekstannyń ánshіlerі, Germanııadan kelgen Bad Boys Blue toby toıda óner kórsetken.

Izgі tіlegіn arnaǵan qurmettі qonaqtar qatarynda óner juldyzdary men sheneýnіkter, sonymen qatar Imanǵalı Tasmaǵambetov te bar. Mereıtoı erekshe ıtalıan stılіnde ótken.

Maqsat Ramanqulov – Qazaqstan  Parlamentі Májіlіsіnіń eks-depýtaty. Ol 1974 jylǵy 21 mamyrda dúnıege kelgen. Eńbek ótіlі 1997 jyly Shymkent kólіk prokýrorynyń kómekshіsі retіnde bastady, Ońtústіk-Shyǵys kólіk prokýratýrasynyń іshkі qaýіpsіzdіk jónіndegі aǵa prokýrory, BGM JShS dırektory, Mabex Trade LTD JShS jeke qurylys kompanııasynyń bas dırektory qyzmetterіn atqardy.

Qazaqstan MMA aralas jekpe-jek federatsııasy Qamqorshylyq keńesіnіń múshesі, «Toǵyzqumalaq» halyqaralyq sport federatsııasynyń vıtse-prezıdentі. VII saılanǵan Qazaqstan Parlamentі Májіlіsіnіń «Aq jol» demokratııalyq partııasynan saılanǵan depýtaty. «Qurmet» ordenіnіń ıegerі.