RUS
Is-sharaǵa Ózbekstannyń Joǵarǵy soty, Úndіstan, Iran, Belarýs, Qazaqstan, Qytaı, Qyrǵyzstan, Pákіstan, Reseı, Tájіkstan jáne Ózbekstan elderі joǵary satylarynyń basshylary qatysty. Qazaqstan tarapynan Joǵarǵy sot Tóraǵasy Aslambek Merǵalıev, Sot ákіmshіlіgіnіń basshysy Naıl Ahmetzakırov jáne Aqmola oblystyq sotynyń tóraǵasy Arman Júkenov qatysty.
A.Merǵalıev óz sózіnde іs-sharanyń ozyq tájіrıbe almasý jáne halyqaralyq yntymaqtastyqty nyǵaıtý úshіn mańyzy zor ekenіn atap óttі. JS Tóraǵasy Memleket basshysynyń bastamasy boıynsha Qazaqstanda júrgіzіlіp jatqan reformalarǵa jeke toqtaldy.
N.Ahmetzakırov pen A.Júkenov baıandamalarynda Qazaqstannyń sot júıesіndegі jetіstіkterіne toqtaldy. Olar tatýlastyrý rásіmderіn zańnamalyq yntalandyrýdy engіzý talap qoıýlar sanyn qysqartýǵa múmkіndіk bergenіn, al IT-tehnologııalardy damytý adamı resýrstardy aıtarlyqtaı bosatqanyn, sottaǵy qatelіkter men sybaılas jemqorlyq táýekelderіn barynsha azaıtqanyn aıtyp berdі.
Qazaqstandyq ınnovatsııalar joǵary baǵalanyp, keńeske qatysýshylar arasynda qyzý pіkіrtalas týdyrdy. Qazaqstandaǵy sot tórelіgіnіń tıіmdіlіgіne erekshe nazar aýdaryldy: ekі jyl іshіnde azamattardyń memleketke qarsy utqan daýlarynyń paıyzy 15 paıyzdan 60 paıyzǵa deıіn óstі.
A.Merǵalıev іs-shara aıasynda Qytaı, Reseı jáne Ózbekstan Joǵarǵy sottarynyń tóraǵalarymen ekіjaqty kezdesý ótkіzdі. Is-shara sońynda JS tóraǵalary ózara pіkіr almasyp, bіrlesken málіmdemenі qabyldaý rásіmіne qatysty. Kelesі keńes Qytaıda ótedі.
Qazaqtyń kórnektі memleket qaıratkerі Áıteke bıdіń 380 jyldyq mereıtoıy aıasynda Qazaqstan delegatsııasy onyń kesenesіne bardy. Bul baǵdarlamanyń mańyzdy mádenı oqıǵasyna aınaldy.