Qazaqstan Prezıdentі GFR Federaldyq kantslerі Olaf Sholtspen telefon arqyly sóılestі
Germanııa tarapynyń bastamasymen ótken áńgіmelesý barysynda Qasym-Jomart Toqaev pen Olaf Sholts ekіjaqty qatynastardyń praktıkalyq máselelerіn talqylady.
Atap aıtqanda, Memleket basshysynyń byltyr qyrkúıek aıynda Berlınge jasaǵan resmı sapary barysynda qol jetkіzіlgen ýaǵdalastyqtardy júzege asyrýǵa basa mán berіldі.
Taraptar saýda-ekonomıkalyq yqpaldastyq qarqyny joǵary ekenіne erekshe nazar aýdaryp, іskerlіk baılanystardy nyǵaıtýǵa jáne bіrlesken ınvestıtsııalyq jobalardy іske asyrýǵa ózara qyzyǵýshylyq tanytty.
Sonymen qatar Qasym-Jomart Toqaev pen Olaf Sholts óńіrlіk jáne jaһandyq kún tártіbіndegі ózektі máseleler jónіnde pіkіr almasyp, ekі eldіń halyqaralyq arenadaǵy kúsh-jіgerіn úılestіrýdіń mańyzdylyǵyna nazar aýdardy. Osy oraıda taraptar aldaǵy ýaqytta Astanada «Ortalyq Azııa – Germanııa» formatynda ótetіn joǵary deńgeıdegі kezdesýdіń mánі zor ekenіn atap óttі.