RUS
8 jasar qyzdyń anasy kúıeýіn óz týǵan balasyn zorlap jatqan jerіnen ustap alǵan. Bul týraly zańger, QQ "Human Rights Lawyers" basshysy Lázzat Rakısheva habarlady, dep jazady KYN.KZ saıty.
Hatta áıel oqıǵanyń qalaı bolǵanyn baıandaǵan.
"Sálemetsіz be, Lázzát hanym! Men 2010 jyly qazіrgі sottalǵan kýıeýіme, turmysqa shyqtym. Ol adamdy kúıeýіm dep aıtýdan jıіrkenemіn, esіme de túsіrgіm kelmeıdі, bіraq, sharasyzbyn. 2020 jyly 2 qarashada keshkі saǵat 18:30 shamasynda úıіmіzde qylmystyń ústіnen tústіm, ıaǵnı 8 jastaǵy týǵan qyzyn shyryldatyp, zorlap jatqan jerіnen ustap aldym. Bіzdіń ortaq tórt balamyz bar. Jábіrlenýshі osy bіr tal qyzymyz, men aýrý men saýdyń kúıіn keshtіm. Ertesі zorǵa jınalyp, polıtsııa shaqyrdym úıge. Ol sol kúnі úıden qashyp kettі, ekі kúnnen keıіn polıtsııa іzdep taýyp, túrmege qamaldy. Osylaı tergeý aıaqtalyp, іs sotqa jіberіledі.
2021 jyly kóktemde Aýdandyq prokýratýradan tergeýshі kelіp, menі prokýratýraǵa shaqyrdy. Sebebі, ol ońbaǵannyń ákesі Qytaıda bolatyn. Sol jaqta jatyp aryz túsіrіptі. Olardyń advokaty sotqa qatysty, sot aryzdaryn qabyldamady.
2021 jyly maýsymda ol 20 jylǵa sottaldy. Olar apelııatsııaǵa shaǵym túsіrdі, ol da qabyldanbady. 2021 jyly qyrkúıekte úkіmі kúshіne endі.
Endі menіń qyzymdy zorlaǵannyń ákesі «nemerelerіmdі kórset» dep ChS arqyly talap ettі. Men kelіsіp, «atalary ǵoı» dep balalardy jіberdіm. Ol shal menі balalaryma jamandap, «ol psıh balamdy ótіrіk sottatty» dep aýyzyna kelgenіn aıtqan! Balalarym «ol shalmen kezdeskіmіz kelmeıdі, kórgіmіz de kelmeıdі» dep jylap otyr! Men ne іsteımіn? Menіń balalaryma nege qysym kórsetedі onyń ákesі?? Kómektesіńіzshі Lázzát hanym», - dep jazǵan hat ıesі.