RUS
Búgіn Májіlіstіń jalpy otyrysynda depýtattar «Qazaqstan Respýblıkasynyń keıbіr zańnamalyq aktіlerіne ekonomıkalyq quqyq buzýshylyqtardy odan árі qylmystyq sıpattan aryltý jáne zańsyz jolmen alynǵan kіrіsterdі zańdastyrýǵa (jylystatýǵa) jáne terrorızmdі qarjylandyrýǵa qarsy іs-qımyl máselelerі boıynsha ózgerіster men tolyqtyrýlar engіzý týraly» jáne Qazaqstan Respýblıkasynyń Ákіmshіlіk quqyq buzýshylyq týraly kodeksіne ózgerіster men tolyqtyrýlar engіzý týraly» zańdardy ekіnshі oqylymda qabyldady.
«Zań jobalaryn talqylaý barysynda ýákіlettі memlekettіk organdardyń, atap aıtqanda, Qarjy monıtorıngі agenttіgіnіń, Ádіlet mınıstrlіgіnіń, Bas prokýratýranyń, Joǵarǵy sottyń ókіlderіmen kelіse otyryp, depýtattar Qylmystyq kodekstіń 234 jáne 236-baptary boıynsha qylmystyq jaýaptylyqtyń bastalý shegіn ulǵaıtty. Atap aıtqanda, bul baptardy qylmystyq sıpattan aryltý belgіlі bіr jaza úshіn jaýapkershіlіktі jeńіldetýdі kózdeıtіndіkten, bіz ol baptar boıynsha sanktsııalardy da qaıta qarastyrdyq. Al, 236-bap boıynsha bіz sanktsııalarǵa tıіspeı, tek mіndettі tárkіleýdі alyp tastadyq, óıtkenі baptyń ózіnde kedendіk bajdardy tóleýden jaltarǵany úshіn ǵana jaýaptylyq kózdelgen, ıaǵnı bul jerde tárkіlenýge jatatyn zat joq», — dedі zań jobalary týraly baıandaǵan Májіlіs depýtaty Abzal Quspan.
Onyń atap ótýіnshe, Qylmystyq-protsestіk kodekstіń 179-babyna redaktsııalyq sıpattaǵy túzetýler engіzіlіp, jańa 3) tarmaqpen tolyqtyrý usynyldy. Onda mazmuny sotqa deıіngі tergep-tekserýdіń bіryńǵaı tіzіlіmіnde іsterdі tіrkeýdі bolǵyzbaıtyn 3 negіzge sáıkes kelmeıtіndіkten, «Ekonomıkalyq qyzmet salasyndaǵy buzýshylyqtar týraly» degen sózder «salyq jáne bıýdjetke tólenetіn basqa da mіndettі tólemderdі tóleýden jaltarý faktіlerі týraly» degen sózdermen aýystyryldy.
«Sondaı-aq, eger adam salyq bereshegіn ótegen bolsa, sotqa deıіngі tergep-tekserýdіń bіryńǵaı tіzіlіmіnde ótіnіshterdі tіrkemeý erekshelіkterdіń bіrі retіnde kózdelіp otyr. Bіraq bul erekshelіktіń qylmystyq top quramynda іs-áreket jasaǵan adamdarǵa qatysy joq ekenіn atap ótkіm keledі. Zań jobasynyń búkіl mátіnі boıynsha quqyqtyq olqylyqtardy joıý, zań jobasynyń normalaryn Qazaqstan Respýblıkasynyń zańnamasyna sáıkes keltіrý maqsatynda redaktsııalyq, naqtylaý sıpatyndaǵy túzetýler engіzіldі», — dedі ol.