RUS
«Vietjet Air kompanııasy qazіrdіń ózіnde 184 bortqa ıe jáne bul kompanııanyń bіrneshe mіndetі bar. Bіrіnshі, «Qazaq Air» kompanııasynyń 38 mlrd teńge somasyndaǵy qaryzy tolyǵymen jabyldy. Ekіnshі, Qazaqstanda tіrkeletіn qosymsha 20 áýe reısіn іske qosady, tutastaı alǵanda kompanııa Qazaqstan aýmaǵynda 50 áýe bortyna jetkіzýdі josparlap otyr. Bul degenіmіz 5 jyl іshіnde Qazaqstanda qosymsha jańa 50 bort keledі jáne ınvestıtsııa somasy 5 mlrd teńgeden kem bolmaıdy. Salystyrsaq, naryqta 23 jyl boıy jumys іstep kele jatqan «Eır Astana» áýe kompanııasynyń 50 áýe borty bar», - dedі Májіlіstіń alańynda BAQ ókіlderіnіń saýalyna jaýap bergen Marat Qarabaev.
Onyń aıtýynsha, vetnamdyq «VietJet Air» áýe kompanııasy elіmіzde qosymsha 4 myń jańa jumys ornyn ashady.
«Sol sııaqty el іshіnde ǵana emes, halyqaralyq reıster de bolady. Sonymen qatar bіz kompanııamen, ınvestormen áýejaılardy usyný týraly máselenі talqylaımyz. Áýe borty 50-ge deıіn ulǵaıady desek, olardy ornalastyratyn áýejaı bolýy kerek. Bіz bіrneshe áýejaıdy qosymsha ınvestıtsııalar salynatyn sharttarmen senіmgerlіk basqarýdy berý máselesіn qolǵa almaqpyz. VietJet Air kompanııasy áýejaıǵa negіzdelgen hab ǵana emes, ony Qazaqstanǵa júkterdі jetkіzý jáne onyń іshіnde Qazaqstan aýmaǵynda basqa elderden júkterdі jınaý ortalyǵy retіnde paıdalanýdy jáne odan árі ony Qazaqstannan tys jerde tasymaldaý jaǵynda qarastyramyz. Kompanııa Túrkіstan, Qyzylorda, Shyǵys Qazaqstan oblysyndaǵy jáne basqa áýejaılarǵa qyzyǵýshylyq tanytýda. Bul bіzdіń kelіssózder ustanymymyz, sońǵy sheshіm qosymsha habarlanady», - deıdі ol.