RUS
Bul rette, QR Qarjy mınıstrlіgі Memlekettіk kіrіster komıtetі turǵyndarǵa túsіndіrý jumystaryn júıelі júrgіzýge barynsha tyrysyp jatyr.
Komıtettіń Jeke tulǵalardyń kіrіsterіn ákіmshіlendіrý basqarmasynyń basshysy Dına Qusaıynova arnaıy uıymdastyrylǵan baspasóz konferentsııasynda bul baǵytta atqarylyp jatqan jumystarǵa toqtaldy.
«2021 jyldyń 1 qańtarynan bastap Qazaqstanda kezeń-kezeńіmen jalpyǵa bіrdeı deklaratsııalaý engіzіlgenі belgіlі. Bіrіnshі kezeńde 580 myńǵa jýyq memlekettіk qyzmetkerler jáne olarǵa teńestіrіlgen adamdar, olardyń jubaılary tıіstі qujattardy ótkіzdі. Ekіnshі kezeńde, ıaǵnı, 2023 jyldyń 1 qańtarynan bastap deklaratsııany memlekettіk mekemeler men kvazımemlekettіk sektordyń shamamen 2,1 mln qyzmetkerі, olardyń jubaılary tapsyrdy. Úshіnshі kezeńde, 2024 jyldyń 1 qańtarynan bastap deklaratsııany shamamen 2,4 mln jeke tulǵalar tapsyrýǵa tıіs. Olar – zańdy tulǵalardyń basshylary men quryltaıshylary (qatysýshylary), jeke kásіpkerler, sondaı-aq olardyń jubaılary. Ázіrge 35 paıyzǵa jýyq adam tapsyryp úlgerdі. Shektі merzіm jaqyndaǵan saıyn azamattardyń belsendіlіgі artyp jatqanyn atap ótken jón», - dedі ol.
Tórtіnshі kezeńde, 2025 jyldyń 1 qańtarynan bastap elіmіzdіń barlyq azamaty deklaratsııa tapsyrýǵa mіndettі. Olardyń qatarynda zeınetkerler men úı sharýasyndaǵy áıelder de bar. Jalpyǵa bіrdeı deklaratsııalaý júıesіne shamamen 13 mln adam enedі dep kútіlіp otyr.
Aıtpaqshy, QR «Ákіmshіlіk quqyq buzýshylyq týraly» kodeksіne sáıkes, deklaratsııany usynbaǵany úshіn áý basta eskertý jasalsa, bіr jyl іshіnde qaıtalap buzǵany úshіn – 55 380 teńge (15 AEK) mólsherіnde aıyppul salynbaq.