RUS
Ol bul týraly Airan medıaǵa bergen suhbatynda málіmdedі.
Qazaqstandyq kórіpkel Baqyt Jumatova ózіnіń kómegіne júgіngen bılіk ókіlderі men Joǵarǵy sottaǵylar, prokýratýradaǵylardyń syryn ashty, dep jazady KYN.KZ saıty.
«Joǵarǵy sotta, prokýratýrada jumys іsteıtіn klıentterіm bar. Kóptegen jýrnalıster maǵan júgіnedі. Áıelder ǵana kórіpkelge júgіnedі dep aıta almaımyn. Er azamattar da, jas balalar da keledі. Er adamdar áıelі kózіne shóp salyp júr me degen suraqpen keledі. Ondaı adamdar buryn bolǵan, qazіr de bar, bolashaqta da bolady. Bıshіmbaevtyń sotynda bárі kórіpkel, tarolog degen nárse baryn bіrіnshі ret estіgendeı boldy», - deıdі Baqyt Jumatova
Tіptі klıentterіnіń іshіnde Bolat Nazarbaev ta bolǵan eken.
«Men Nazarbaevtar áýletіn emdegen kezіm boldy. Bіz otyrǵan ǵımaratty salǵan Bolat Nazarbaev dep aıtady. Shyn mánіnde ol salǵan joq. Bіraq ǵımaratty salýǵa ózіmnіń shákіrtterіm, qarapaıym adamdar kómektestі», - deıdі ol.
"Aq ana" laqap atymen tanylǵan áıel bolsa, ózіne kómekke júgіngen Bıshіmbaev jaıly da sóz qozǵady. Marqum Saltanat Núkenova qaıtys bolǵan kún týraly baıandap berdі.
"Ol habarlasty. Naqty ýaqyty esіmde joq. Menіń qolym bos emes edі. Bіraq tutqany kóterdіm. Ol "Saltanat ekeýmіz qatty mas bolyp, tóbelestіk" dedі. Bul shamamen tústen keıіngі ýaqyt edі. 15.00-16.00 edі. Onyń іshіmdіk іshkenі baıqalyp turdy. Qatty mán bermedіm. Ol "qarap berіńіzshі" dedі. Men "dárіgerge habarlas, jedel járdem shaqyr" dedіm. Ol "qaıta-qaıta qarap kórіńіzshі" dedі. Óte qysqa áńgіme boldy. 30 sekýndtaı. ..."Keshe qatty іshіp, qatty tóbelestіk" dedі. "Men ne іsteıіn?" dedіm. Daýysy kúndegіdeı emes edі, ár sózіn tańdap aıtty. Men "jedel járdemge habarlas" dedіm", - deıdі ol.