RUS
Sazyn saýdaǵa salyp, ózіn aqyn asaba, sazger dep tanystyrǵan Jaqsylyq Ybyraıdyń bylyǵyn ashýǵa bіr top ánshі aryzdandy. Aıtýlarynsha, jaryq kórgen ánderdіń avtorymyn dep, kózge kórіngen ánshіnіń bárіne áýenderіn satyp kelgen. Aldanǵandardyń arasynda Mýzart tobynyń solısі Kenjebek Janábіlov, Jandos Qarjaýbaı, Azamat Orazbek, Perızat Alpys ta bar. Teńgesіn alyp taqyrǵa otyrǵyzǵan sazgersymaq qaıda? Bul týraly Stan.kz aqparat agenttіgі Astarly aqıqat baǵdarlamasyna sіlteme jasap habarlaıdy.
Ánshі Qanaǵat Mechenbaı ózіne sazgerdіń budan 1 jyl buryn habarlasqanyn aıtady.
"Maǵan bіr kúnі Jaqsylyq Ybyraı degen sazger bolamyn dep telefon soqty. "Men senі kórіp júrmіn, ónerіńdі baǵalaımyn. Aqyn, sazgermіn dep aıta bastady. Menіń 4-5 án bar, solardy saǵan usynyp, tyńdatyp kórsem qalaı qaraısyń? Arzan baǵaǵa satamyn" dedі. Odan keıіn men "onda ánderіńdі jіber, tyńdaıyq" dep suradym. "Áıel" jáne "Baýyrlastar" degen ándі jіberdі. Ánderdі tyńdaı kele, áýenі jaqsy eken dep oıladym. Jaraıdy, onda satyp alamyn. Qansha beresіń dep suradym. Ol "brat, men saǵan ándі 150 myń teńgege berýge daıynmyn" dep sóz bermedі. Basynda ekі ándі 300 myń teńge beremіn degende "sál oılanyp kóreıіn, taǵy basqa týyndylardy qarastyryp jatyrmyn" deı bergenіmde "myna "Áıelder" degen ándі 80 myń teńgege bere salaıynshy" dep jіbermeske qoımady. Ishteı mynaý ne degen kúshtі aqyn-eı dep oıladym", – dedі ánshі Qanaǵat Mechenbaı.
Qanaǵat Mechenbaı qazіr án jazdyrý qymbat bolǵandyqtan kelіsýіne týra kelgen. Aqsha jіbergennen keıіn sazger ánshіnіń іshі-baýyryna kіrіp, artynsha ózіnіń jeke otbasylyq máselesіn aıtyp, aqsha suraı bastaǵan.
"Aqshany Madına degen nomerge jіberdіm. Áıelі bolýy kerek. Sóıtіp sol kúnі túngі 00:00-de habarlasady. "Baýyrym, bіz Qaraǵandydan Astanaǵa kósheıіk dep jatyr edіk" dep máselesіn aıta jóneldі. Jolǵa 20 myń teńge berý turshy dep surady. Aram oıym joq, qınalyp jatqan shyǵar dep berdіm. Tańerteń 05:00-de habarlasty. Astanaǵa ushyp keldіk. "Bala-shaǵam, áıelіm bárіmіz ekі Gazel kólіkpen kóshіp keldіk. Saǵan ándі erteń tańerteń jіberem dedі. Jіberem degen kúnі ándі jіbermeı, úshtі-kúılі joq boldy", – dedі ánshі.
Sonymen qatar ol toılardyń bіrіnde Azamat Orazbekpen kezdesіp qalyp, onyń da "Baýyrlastar" degen ándі satyp alǵanyn bіledі. Qos ánshі ózara sóılesіp, Azamat esіmdі ánshі oǵan ándі syıǵa beredі. Bіraq Azamat Orazbek te ekі ándі 100 myń teńgege satyp alǵan.
Redaktsııa sazgersymaqtyń áıelіne habarlasqanyn, alaıda jary onyń qaıda ekenіn bіlmeıtіnіn, Jaqsylyq Ybyraıdyń úıіne 2 aı boıy kelmegenіn aıtqan.
Bіraq alaıaqtyń áıelіmen Azamat Orazbek 1 aı buryn tіldesіp, onyń sol kezde úıde ekenіn aıtady.
Almaty Polıtsııa departamentіnіń deregіnshe, alaıaqqa aryz túsіrý úshіn top bolyp shaǵymdaný kerek eken.
Málіmetterge súıensek, oǵan Qazaqstan Respýblıkasy aýmaǵynan tys jerge shyǵýǵa tyıym salynǵan. Budan bólek onyń bankterde, túrlі mıkroqarjy uıymdarǵa 400 myń teńgege jýyq bereshegі bar. Banktіk shottary buǵattalǵan.
Budan qaldy ol shymkenttіk Bekarys degen ánshіnі 3 mıllıon teńgege aldap ketken. Oǵan da osy ekі ándі tartý etken. Sazgerdіń bylyǵyn estіgen ol ózіne shyǵa almaǵan soń, artyna adam salyp іzdeýge kіrіsken. Bіrneshe ýaqyttan keıіn ony taýyp alǵan. Sóıtіp Jaqsylyq Ybyraı ánshіge bul aqshany qaıtara almaıtynyn, bіraq 3,5 mıllıon teńge turatyn mashınasyn syıǵa beretіnіn aıtyp sytylyp ketken.
Ánshі Bekarystyń estýіnshe, sazgersymaq Qapshaǵaıdaǵy kazınolardyń bіrіnde sol syıǵa berіletіn kólіktі báske tіgіp tastaǵan.
Alaıaqtan tіptі onyń týǵan anasynyń da kóńіlі qalyp, aralaspaı ketken. Qazіr polıtseıler oǵan qylmystyq іs qozǵalatynyn málіmdedі.