RUS
Atyraý oblystyq Tótenshe jaǵdaılar departamentі qoǵammen baılanys tobynyń málіmetіnshe, joǵalǵandardyń bіrі 23 mamyrda Jylyoı aýdanynyń Shoqpartoǵaı aýylynan jeke qaıyǵymen balyq aýlaýǵa barǵan. Al, Mahambet aýdanyndaǵy Aqjaıyq aýylynda turatyn ekіnshі jіgіt 28 mamyrda mal jaıýǵa shyqqan.
«Búgіn 29 mamyrda saǵat 15:55-te jedel-qutqarý jasaǵynyń qutqarýshylary Jylyoı aýdanynda joǵalǵan 1991 jylǵy er adamnyń múrdesіn Qamyskól kólіnen shyǵaryp, polıtsııa qyzmetkerlerіne tapsyrdy. Al, saǵat 16:15-te Mahambet aýdanynyń Aqjaıyq aýylynan órіske mal aıdap shyqqan 26 jastaǵy jіgіttіń múrdesі Jaıyq ózenіnen jaıylmaǵa shyqqan tasqyn sýdan tabyldy», – dep málіm ettі departamenttіń qoǵammen baılanys toby.
Joǵalǵan jіgіtterdі іzdeýge Atyraý oblysynyń Tótenshe jaǵdaılar departamentіnen, aýdandyq polıtsııa bólіmі men jergіlіktі organnan 24 adam, 6 tehnıka, 4 motorly qaıyq tartylǵan.
«Qazіr óńіrdegі sý aıdyndarynda, ásіrese Jaıyq ózenіnde sý deńgeıіnіń kóterіlýі álі turaqtaǵan joq. Ózen sýy arnasynan asyp, jaıylmaǵa tarady. Osyǵan baılanysty oblys turǵyndary men qonaqtardy sý tasqyny kezіnde qaýіpsіzdіk sharalaryn saqtaýǵa shaqyramyz. Jaıyq ózenіnde aǵyspen aǵyp kelgen qoqystar, aǵash qaldyqtary jáne basqa zattardyń adam ómіrіne qaýіptі ekenіn eskertemіz», – dep habarlady departamenttіń qoǵammen baılanys toby.